今日係初三..但竟然冇出去拜年..唉!悶死!
雖然出去拜年都好悶,但有利是嘛...所以...嗚!!
冇出去拜年可能因為老豆既事掛..then老媽又有好多想法..唉-_-   女人...........
不過冇計啦,冇得去就係冇得去,反正初一初二都好開心

先講初一啦,初一嘛,先去左呀伯到(老豆呀哥),差d訓著-_-
佢地係到玩"識"仔(唔識打),我一d興趣都冇,,坐左係到發呆,
走果陣我媽問我堂弟要唔要一齊去我呀婆到,而我堂弟竟然話去!(我堂弟同我呀婆一d關係都冇)
跟住最竟然既係佢竟然真係去左,唉-_-真係頂佢唔訓
佢竟然咁乖巧-_-...........想嘔
我係呀婆家到好努力咁係電話到睇小說,但我堂弟竟然話要玩我電話d game,我采佢都傻
最憎人係我睇小說果陣做d會阻住我睇小說既野,所以,我冇理佢
直到食飯,我都廢事同佢講野,連我細佬都頂佢唔順
好啦唔講佢,去完我呀婆到去左我媽呀哥到,去打麻雀a_a..打到成3點幾
我就睇小說睇到12點到,then訓到3點幾先走,,走果陣,我感覺到肚仔有上次行完山之後想嘔既感覺,真係好恐怖~___~
最後,係4點鍾先訓覺

then係初二
初二好多啦,先係呀媽既呀哥同呀妹黎,then一齊去呀婆到(去呀婆到好似變左新年唯一可以做既事)
跟住大人們又係打麻雀-_-
不過,好開心,我屈左我媽既呀哥50蚊去買野食,哈哈,買左好多薯片同各位表妹食,正a_a
食完之後,我呀媽個妹叫我幫佢打麻雀,就係咁打打打打打打打打(唔講中間既過程啦)
輸得最多既曾經得番十蚊,win得最多既有成三百幾,哈哈,爽!
但最後得番2百幾,我分左60蚊,超開心的~~~~
然後果日又係4點先訓覺~______~

我發現,仲有4日就番學啦,嗚,我要好好的訓覺a_a
其實呢,初十都係我生日黎ga,係農曆果隻lo~嘻

That's all