今日早上同呀妹去左睇獨家試愛...仲有佢果2個fd...我地遲左入場...衝去戲院...
好在未開始咋...如果唔係就錯過左一開場stephy同alex既kiss戲喇...
嘩..超正呀..stephy同alex係咁啜啜wor...好耐下...仲又開又關盞燈...
stephy係lee套戲度把聲好嗲...好得意...成套戲一d都唔悶...仲好感動!!!
有2次我都感動到眼角有d淚水...好多人都有喊...真係好感動!!
2個必喊位:::1.alex話要同stephy離婚...stephy赤腳係條街度一路行一路喊...
2.alex同stephy復合..不過要幫stephy截的士...但又搵唔到...alex驚到喊...
不過都有好多搞笑位...alex佢地間寵物店做promotion果度...[[寵物殯儀館]]...
仲有stephy打電話俾alex d老死時..個個都話alex爆石...stephy問王祖藍佢地係邊...
王祖藍話佢地係觀塘...點知架MTR話[[下一站係油麻地..]](果陣佢搭緊MTR)
之後stephy個表姐話[[爆咁耐..獅子山都爆完啦..]]超搞笑...
不過我就唔多鍾意果個ending...好似唔知點咁...唔係咁好...有d衰tim!!
唔講咁多喇...想睇就入戲院睇啦...不過就真係好好睇...好正呀!!!我仲想去睇多次tim!!
不過我後面果排果條呀嬸超煩...超多嗲...係又講唔係又講..之後係俾人串wor...抵死!!
stephy同alex d演技真係好左好多..講真架...所以[[港產片絕對唔係垃圾!!!]]
唔該 d人唔好唔睇就亂咁UP..起碼好多人都認為lee套係一套好好既港產片...
仲有好多人感動到喊...and then...唔該唔鍾意stephy同alex果d人聽住...
你地唔鍾意佢地姐...佢地演技唔好咩!?我唔覺wor...起碼我覺得佢地有進步呀...
仲有你地係唔鍾意人..咁就覺得人地咩都唔好...你地有冇睇到stephy同alex努力既成果?
我相信佢地既努力係唔會白費架!! 一定唔會..!!仲有祝獨家試愛票房過過一千萬....!!

獨家試愛劇情簡介:::
新婚的第一夜，林嘉華和鄺美寶像一般由初戀便結婚的小夫妻一樣，對婚姻總有一刻猶豫和回想。幸好，兩人最後同樣相信自己找到的，便是一生獨一無二的伴侶。華是一個職業獸醫，他畢業後便與同學喱和藍合組獸醫店，而美寶與好姊妹莎莎和細蚊，則是在卡拉OK工作的公關。華和寶的工作時間可謂南轅北轍，但時間上的阻礙，那可以影響這對甜蜜的小夫妻，他們在自己死慳死抵供的小單位內，確實擁有過一段美麗溫馨的時光。但好景不常，華因攪作寵物喪禮而重遇中學補習老師靖。在華心裡，他確實地暗戀過靖，雖然數年沒見，但美麗高貴的她，風采依然，令華不禁心跳加速。順理成章，華和Josephine開始了SMS通訊，兩人感情大進。可憐的美寶仍然矇在鼓裡，繼續日日與好姊妹和表姐麻雀耍樂！
預告片::::http://playlist.broadcast.com/makeplaylist.dll?sid=23550542
官方網頁:::http://www.marriagewithafool.com/
http://www.gold-label.com.hk/library_detail.php?lang=chi&a=15&id=40&t=content&c=movie