今日PE考爬架...考左15、16個男仔
當中以黎晉高最快,32秒
課外活動同Miss陳個組一齊,開頭教miss左少少,只係睇左個樣張就可以做到
之後李浩賢問我點做,我教佢,不詔我中間少左一個步驟,佢話要我個個,咁就比左佢啦
之後放學教左阿恩做D ENG讀者報告,係4C班等左阿恩一陣...
見到Miss鄭,突然之間好掛住F.1至F.3,miss鄭做班主任的時候
Miss鄭真係對我地好好嫁...有D後悔,當時冇同miss鄭多D相處,睇番F.2同F.3的周記真係寫得好「是但」呀.....
今日有一件唔開心的事,好心淡呀,返到屋企,阿媽同阿哥一齊返,佢地7點幾返到
仲有兩件Pizza,阿媽都知道我鐘意食...
雖然阿媽有問過我,不過阿媽有咩佢鐘意,我又鐘意的,阿媽通常都係會比佢多D嫁啦
都唔係第1次嫁啦,仲洗咩問呀...所以我都冇答到阿媽...阿媽一直都偏心阿哥嫁啦,又唔係第1日先知呀
雖然阿媽對我都係幾好...不過都係好心淡..係唔係..係呢個家,我真係可有可冇呢...我的存在係唔重要呢...
我好討厭自己眼淺的性格,我打緊篇野的時候,蔣蔣又打左比我....
我發現今年應該係我喊得最多的一年....今日又喊啦...
可能冇咩人知道我今日喊過...日子過左好耐,可能有時候連自己今日做過咩都唔記得
所以我決定今日都要寫日記,寫下今日發生過咩事,開心的,唔開心的,都一一記低,比之後的自己睇番
|
