琴日同蔣蔣去左AIA玩到癩左...
朝早係巴士站附近見到雷嘉同郭嘉華,佢地返大陸,上左960,蔣蔣係市中心的站上車
我坐一個位,另一個位放左個袋諗住比蔣蔣坐...有個女人放左個袋係我個袋上面,咁我即刻拎走我個袋啦...蔣蔣冇位坐啦..
去到12點幾,去左買零食,之後入去玩..玩左好多野...有6個機動遊戲玩左2次......
G force超正！！其實我想玩2次,不過蔣蔣話唔好喎....囧左囉..班上面D人唔敢G force...其實唔係好恐怖姐
過山車玩左2次,跳樓機、2個水的遊戲、洗衣機仲有咩知咩都玩左2次
個鬼屋雖然有好多人話唔好玩,咁我地仲有好多時間就入去啦,就係好搞笑
其實入面D野比較少,又唔係自己行喎,係車我地入去,如果係自己行入去都會有少少驚...但係我地坐係車上面,真係覺得超搞笑囉..
之後7點幾就返屋企..
今日出左去,阿恩生日就去睇Mr Bean's Holiday,我唔記得今日係第1日上呀...超多人睇戇豆喎
咁就冇睇啦..去左市中心同利寶行下,4月9係山下智久Yamapi──我的最愛P的生日呀！！
KAT-TUN終於集合番啦..仁係呢個月終於返去KAT-TUN啦！！
好似4月10幾號返黎呀！！太好啦！！好開心呀~~~
之後返到黎有個人係msn問我地理作業邊年出版...佢叫我婷婷,佢玩野囉,佢話講笑姐喎...囧左囉
我唔記得佢係邊個,咁我問佢,佢msn係[email protected],佢話「我的外號叫ZERO」、「英雄莫問出處，有緣旺角再見」
佢係邊個呀.....之後仲要88 off左喎...
啊！！呢個假期好多野做呀,星期六or日去旺角睇「蜂蜜與四葉草」,9號睇戇豆,10跪剪頭髮仲有跳舞之後仲要出荃灣BBQ....12、13號返學,仲要交ENG作文同SBA呀.....
點算呀...咁多野做
揚秦威話BBQ個到要50、60喎,比平時貴左D呀
今個月銀包真係大出血啦,琴日去左AIA,2次睇戲..BBQ
真係想死...
|
