沙灘既沙係由海浪風化岩石而黎既
每一個海灣既地理形勢都唔同
海浪既大小, 密度, 形態都唔同
再加上岩石本身既種類, 成份亦都唔同
所以形成沙灘既沙
無論係顏色, 粗糼, 硬度亦有所唔同

一般黎講
風浪比較大既沙灘既沙都會比較幼
呢個係因為岩石 / 碎石 / 沙礫長時間受到海浪既風化 / 打磨
所以較大既沙礫都變成幼細既沙
例如港島既石澳, 大浪灣, 又或者西貢浪茄既沙都好糼細

除以上原因以外
部份沙灘經過人工改造
例如早年政府係淺水灣舖上海沙
增加沙灘既面積
新舖既沙亦會影響粗糼度

另外, 沙灘上沙既數量係視乎沿著海岸線既沉積同風化既速度
係部份地質年齡較輕又或者最近出現地殼變動既地方
海岸線上沉積同風化既活動仲未穩定落黎
呢個情況下沙灘既沙既數量就可能出現變化

香港既沙灘一般都形成已久
風化同沉積既活動大致已經達致平衡
所以沙既數量唔會出現好大變化