今日好攰呀  今朝成10點幾先起身......曳曳

一起身開左陣電腦  叔叔就打黎

叫我地今日早d去  原來姑姐本黎今日去睇翻生侏羅館

結果無飛  無得睇  BUT!!!叔叔原來係網上BT左

就個個都有得睇.......^^

佢本黎話2點30開場  but我地同表姐去到都已經3點

都未開場  更何況姑姐又未到

就睇左海猿套電影先  好好睇

睇完都5點幾  姑姐佢地又到左  就睇翻生侏羅館

一般  有d搞gag成份

睇完就開餐  自助餐形式

嬸嬸整d台灣正宗小食真係好正

係香港買唔到架.........全部都係台灣帶返黎

食完野  就開當

玩魚蝦蟹  輸左少少

珈朗(表弟)先勁  佢做莊

用兩毫子起家  結果由兩毫子變成幾廿蚊

結果個個都以為做莊好好賺  浩文一做輸晒

玩左都ok耐  本來林住玩大細

但見個個都輸得咁勁  就玩廿一點

呵呵  係咁賺  但.........賺完一輪

最後都輸到靜返一蚊............= =

玩到大概10點  就返屋企

返到屋企都11:30

聽日終於有一日係得閒la  係時候要做功課

放假到now  一樣都未做過

p.s浩文去左姑姐度  好掛住佢

要改一改個schedule::

15/2''''出街wif張行,枝&sinky

16/2''''上晝出街 下晝大掃除

17/2''''上晝招呼人 下晝食團年&去維園

18/2''''拜年

19/2''''maybe返樟木頭(X) change to去叔叔屋企賭錢^^

20-24/2''''if返去樟木頭  呢幾日都會係個度(x) change to留係香港

尋晚又係一點幾先訓  睇書  好乖呀

今朝10點先起身  但仲係好攰

食早餐  拜神

11:幾就出門口去觀塘伯伯屋企

年年都係咁  去完伯伯屋企到去藍田姨婆屋企

重以為係最遲個個到  原來係尾2........xdxd

二叔重未到  入到去好多人

無位坐  今年少左張梳fa

結果要同表姐表哥坐係張床度.......慘慘

坐左一陣  詠琪到左

同佢地個家d人一d都唔熟  靜係知佢細我兩日  但係我就係佢姑姐

= =.........無啦啦老左咁多

坐左about 1 hours  就走

二叔就坐自已車走  我地就分左3架的士

今年少左一架

我出世到宜家  都係第一次答的士  然後司機會車左我地去第2度

結果我地要行返去  無奈羅

上到去又係遲  無得坐同d細佬一齊

要同大人坐.............好悶呀

佢地聽日去睇翻生侏羅館  我無得去......唔制呀><"

又係坐左一陣  但個陣已經4點幾5點

就各散東西  二叔又係自已走

浩文又係去姑姐度住  就去左將軍澳

姑媽佢地就去德福

我地同叔叔就去apm行下

其實apm無乜野行  行行下就食野

毛毛今日好聽我話  我講乜都聽  少見

食完以為會返屋企啦  點不知叔叔無啦啦打比住係黃大仙既伯伯

話去佢屋企拜年  開心

食完野就去吉之島買野  去佢屋企

珈晴今日表演呀  今晚國泰個個show佢有份表演

係佢屋企收到勁多利是  呵呵

之後就直落  去埋一個伯伯屋企

佢地今晚食飯  好多人

個個都以為我好乖  好靜.............驚

又見到上次低樟木頭個個bb6喇  佢叫皓皓

佢都無兩歲  但佢d英文重勁過中文

之前見佢吱都唔笑  今日笑到卡卡聲

佢重認得我呀   好得意呀

佢媽咪好勁  佢重係文天祥後人(唔係好信,, but佢係個d好有教養既人,,  好正經,,  好d驚佢)

之後有個叔叔話車我地返去  咁好人

本黎自已答車既話  要about 1個鐘

但坐佢架車20分鐘就到左

今日浩文唔係屋企  好d開心........=]

至放假以黎  日日都好忙

講下呢排既schedule::

15/2''''出街wif張行,枝&sinky

16/2''''上晝出街 下晝大掃除

17/2''''上晝招呼人 下晝食團年&去維園

18/2''''拜年

19/2''''maybe返樟木頭

20-24/2''''if返去樟木頭  呢幾日都會係個度

尋晚1點幾先訓  今朝係勁攰

媽咪尋晚仲慘  成2點幾先訓

但.......佢今朝7點幾就起左身

佢呢排挨得好身苦  心痛

起左身一陣  9點幾就洗頭

岩岩洗先表姐同珈朗就到左  咁早

正如我所料  佢地一到就即刻走去書房

毫不客氣地開電腦  好似自已屋企咁

隔左一陣  二叔佢地個家就到左

呀哥一到  就比左份野我

竟然係一份中文既note 

上次去睇戲  我話我d中文唔好  而佢d中文超勁

就話比份note  我仲以為佢講下

結果今日都比左我  我一睇  入面d野都ok深

一個f.5既note  對我黎講會唔會深左d呢

無耐  嬸嬸同毛毛就到左

毛毛剪左頭髮  一入黎就叫我抱佢

哈哈  乖仔

好快姑媽,表哥同叔都到

佢地拎住個盤菜  都ok大盤

表姐佢要返工  我今日先知佢有工做...呵呵

但......佢一走  就靜返我一個女仔

d大人就係晒個廳度  d男仔就係房

咁我應該去邊呢  去廳就答唔到爹

去房佢地玩既同傾既野  又係答唔到爹

慘慘呀

姑姐同珈晴勁遲先到

結果就一時企係個廳  一時到入去房睇下野

12點幾  就拜神

拜完就食野lu  本人唔係好鍾意食盤菜

so無乜點食到  本黎明明講好左就去明將買壽司架

結果今日又無左個回事

食完  佢地要我彈古箏

表哥竟然叫我去學古琴  我都想

但.......無乜琴行有得學古琴

今日係咁多人面前彈  一d都唔緊張

重彈得ok咁  開心

呀哥佢要補習(年三十仲補習!?)

二叔要車佢去返荃灣  so成家人一齊走

之後  姑姐問我去唔去維園

本黎林住唔去  自已唔去得太多人既地方

但係又唔想留係屋企  就同佢地出去

好少人去炸  得5個人

去到維園  開始都唔係好多人

行行下  就勁多人

買左D野

係個度無乜感想

之前就去跑馬地happy valley搵表姐拎返鑰匙比姑媽

答叮叮去  都ok耐無答過叮叮

今日答番  好享受個種感覺

好舒服  唔知點形容

去到跑馬地因為唔知佢間鋪頭係邊

so搵下搵下都搵到

係西餅店  好靚  好有風格

個度d野勁貴  一個好細既蛋糕

要$600幾蚊

但係佢地話好好生意wo

咁又係  個度全部都係豪宅

貴d都係正常既

佢地重送左兩件蛋糕比我地

then就去百佳買野飲

後尾經過m記  本黎靜係話買雪糕

但一入到去  姑姐竟買左兩個餐

我無乜野食  之後就行去答叮叮返去

答叮叮黎個陣係白天  答叮叮走個陣係黑夜

兩種唔同既感覺

返到去  姑媽 嬸嬸同毛毛仲未走

毛毛話要等我地返黎  真係乖仔

我地個個走晒  靜返佢一個  佢實好悶

我8點半返到  但係佢9點就要走

玩得個一陣  走個陣發晒脾氣  又係度喊...好得意

返走左  媽咪同我講左d  當我唔係度既時候

佢唔應該講既野野

哈哈 衰仔你聽日死硬  低你今日重講得咁開心.......xdxd