今日，我一朝早就彈左起身(9:00am)真係從來都未試過自己起身而又咁早嫁 ......
而且今日係桐桐生日呀，佢一online我就同佢講'生日快樂'，原來我係第一個同佢講嫁(仲快過佢父母 呀)!! 
  
我係6點幾出左去旺角個邊睇波鞋，其實我睇黎都無用~我鐘意個d款，媽咪又唔會鐘意.....佢都睇arm左一對，係2百元倒，不過我唔係話十分之鐘意(唔係因為係平野而唔鐘意)，咁咪試下囉，試完都幾好睇，不過最後都無買到，媽咪見我唔鐘意就講d對波鞋唔好既野黎幫我推左佢，但係我睇得出媽咪好想我買(價錢平又幾靚)..... 我地都有行左成10間8間嫁(其實d野都係一樣嫁姐!)^^
我地之後就去左尖沙咀睇煙花喇，我地行到半路d煙花都開始放喇~真係無奈...不過我地都照行，行到一個好位先停，我仲用手機錄底左比哥哥同嗲d睇添，錄左成10分鐘都有，手都斷喇!!
 
跟住我地睇完煙花就去海運大廈既一間叫做麻布茶房既野食~好好味呀個刨冰(淨係個刨冰好食，其他都麻麻地 )!!

食完野都11點幾囉~所以我地索性等埋呀哥放工(12點倒)，我地去左星光大道行左個圈就半個鐘喇...
係巴士上面我鐘下鐘下咁，最尾幾個站都頂唔順要去媽咪到唉住(我地係坐下層既2個2個對住個d位，我本身唔係同媽咪坐既，呀哥同媽咪坐，我同個陌生人坐)我見到呀哥個樣好似好唔願意調咁呀...番到屋企成1點幾喇~ !!