又到左考試的時間,後日就係考英文加SBA....有d驚,不過好彩SBA有傻瓜教左我做...我諗應該都唔會有咩問題的,今日係白色情人節....不過我就訓到12點先起床,因為昨天5點am先訓...累死-w-,冇辨法由於就快考試我就唔可以睇動畫所以想快d睇曬去,e幾天同全仔玩左幾場war 3 都唔錯的,不過我覺得自己好廢= ="...近來打機打到悶曬...LFO,ECO....等都冇咩點玩,昨天晚上有位kai子話我知有人係facebook整左個反傻瓜的會...好低b囉d人,你唔鐘意同人玩冇人叫你去同佢玩,人地成績好黑口黑面係正常事,比你都會啦係唔係呀?係人都會緊張自己的成績的啦,又話人串,串又點姐唔係串到你味得囉,好kai囉e加d人,由其某一班的三八,真係好仆...(唔想講埋個隻字),人地講咩你就信,佢叫你去死你又唔去,仲有個位kai子爆左人地d野出去又唔幫人澄清番,好淆低,我覺得佢唔係男人,之後就罵左佢一大餐,條氣都好番d,由佢做出個件事同埋講出個句說話之後我同e位kai子已經永遠都唔可以做番朋友,原本佢係班到都冇朋友我先會同佢玩,e加?睇清楚佢啦,算啦,唔講佢啦,講番今日....由於要儲錢所以午飯個餐d錢都冇食....餓死我><....不過等到四點幾傻瓜就打比我叫我出去食野...當然佢請啦xd....我地去食左味千拉麵,勁好食呀^^...之後傻瓜就送左份禮物比我(其實我去到個時佢已經比左我),佢叫我打開來睇,我先睇左封信...笑死我,不過真係幾開心...份禮物我都估唔到係昨天同佢行街個時我話鐘意的東西...其實因為我唔想叫佢買模型個d比我,因為真係太貴了@@,之後就行左一陣街我就送佢回家我再去公園接媽媽回家吃飯,去到個時佢就話我知今日係姨媽的生日,所以我就send左條sms比佢祝佢生日快樂^^...禮物就後補,因為我知道我姨媽真係好錫我,所以唔多唔小都要送番d野比佢,雖然我仲未諗到送咩比佢...回到家後食完飯就番左房溫左陣書,之後接到傻瓜電話佢冇飯食...所以我就陪佢出去食,(其實我係唔識做SBA先會咁好死再出街~講笑),由於叫左好多野食....我一路食一路講笑話比佢聽....佢笑到肚痛加食唔到野(好成功^^),之後佢就教埋我做SBA我就再一次回家了....回到家阿媽話比我知佢打破了我情人節個份禮物....好傷心呀><///好彩都係打破左個杯蓋,係隻杯的話我就今晚都唔洗訓,,,,明天就要努力咁溫書啦~雖然覺得自己的實力同會考仲差一段的距離,但我都會好努力咁讀下去....打番日記真係開心,可以張好多自己的野同人地分享,所以我會繼續日日打...再一次重生的日記..我連背景音樂都換左,大家自己估下係咩啦~