高：返香港住在親戚天水圍屋企，每次Casting車錢都要四五十，非必要連街都唔敢出。起初覺得自己可以做一個好成功的Artist，事實是連Model Job都接唔到，維持生活惟有搵工；是想過放棄，在加拿大我有車有女友又有一大班Friend，返到嚟乜都冇。

快：該有十萬個理由要你返加拿大，為何堅持？

高：細個移民去滿地可，成班鬼仔圍住我撩交打話『Chinese Kungfu Yoyoyo！』我都忍得，那時開始被訓練成好容易適應環境，華人社會照計難唔到我。沒錯我中途返加拿大續車牌，是好想唔返來但最後都上了機，記得上機那天我生日，我在飛機上許願今次一定要成功，神奇是轉機時Check Email，模特兒公司話我知成功接到個銀行廣告，一星期後公司就提議我參加香港先生，個天是要你捱過，幸運及機會才會來。


我的驕傲

見過高鈞賢心灰意冷，未見過他流馬尿。

「講你知我睇《下一站天后》我喊，因為感受到阿Sa由細到大都想做歌手，但最終只可以做幕後代唱的感慨，你唔好笑我喎。」你我眼前五官雕出來的香港先生，其實不過是23歲的仔，衛冕失敗時會臉如死灰，感動時會眼濕濕，被睇死時更加會一輪嘴發炮。

「第一日拍《幕後大老爺》已經有幾頁字對白，我中文唔好，緊張到連瞓覺都攬住啲稿，明明背到好熟，埋位時個腦一片空白，那場大大話話NG了80次，我知道企喺後面好多由訓練班做起的茄喱啡都睇死我，肯定他們想我死，我唔輸得，但好驕傲係最後都拍完套戲。」

小生哥仔帶我遊花園，一字一句都想過度過才宣之於口的訪問做得多，像高鈞賢般心直口快，這份少年輕狂份外珍貴。

還是真心話動聽。  {我內心意見:有公司緊係吾好甘快簽約啦,簽左就吾可跟其他機構合作,到時就頭痛,就算要簽都要有成就的時候先簽啦~不過提起阿Sa《下一站天后》由細到大都想做歌手，但最終只可以做幕後代唱,我都有喊到@@}