琴日冇時間打！今日七點就起身啦！七點三就落去撘巴士！！！好趕呀我！好驚遲到呀！不過最後好早就番到學校，我唸住去博ｘ樓撞下人，點知見到陳梓釗，搞到．．．唉！跟住，我地搭大巴去西貢碼頭∼Ａ、Ｂ、Ｃ班就去先，我地（Ｄ、Ｅ班）就留係到講野啦∼我地班我個組講下用一樣飲料形容自己現時的心情．．．．我就唸唔到．．．講左唔記得左添！之後我地有個肥嘟嘟既呀ｓｉｒ（莫ｓｉｒ）帶我地班∼有ｄ比較年輕ｄ既帶隊，就係到大大聲聲話我地，我班個個（綠色衫），我地全班都話佢係精神病嫁！我都唔例外！

　　我地一齊上船啦！我上左『好姐街渡』，跟住，我地班一去就步操！都好好玩，肥ｓｉｒ好玩得呀！不過有ｄ唔識做既ｓｉｒ係到阻住哂！之後我地全組選擇「精英」，我組選左Ｓｉｍｏｎ．．．．．．．我地就玩搭帳篷，比塊布我地搭，叫ｓｉｍｏｎ行入去，結果佢比人整濕左條褲．．．哈！之後我地玩畫面呀！我地個組係第３組，結果我唸左畫三畫，全組都係好似肥仔謙咁畫，ｓｉｍｏｎ最後都係抗拒唔到，比人畫左啦！之後就係ｌｕｎｃｈ時間！玩柴火煮食、我地比肥ｓｉｒ帶入去有蓋既地方∼好舒服呀！不過我比肥仔謙整唔見左隻筷子∼變左一隻筷子走天下＝．＝””得ｄ罐頭係到！唉！好難食呀！不過唔洗好似ｄ班咁，比人曬死都似！唔洗炭精ｄ野都熟啦佢地！之後我地玩障礙定向，我個組比肥仔謙搞到十分十分之亂！搞到我地十分十分之唔合作，唉，最後都係輸左！

　　最後，Ａ，Ｂ，Ｅ班就番西貢碼頭先！冇得搭好姐街渡，不過冇所謂啦∼肥ｓｉｒ都跟咪我地，中途ｄ景色真係好靚！令我最嘆為觀止既係有兩個島嶼連起一齊，不過島與島之間只有一條好短既沙路！有一個島仲比我見到有人拍緊戲添！

　　上岸啦！去到西賈碼頭！其實我都有ｄ唔開心嫁！因為肥ｓｉｒ太好啦！我都有感依依不捨！太感動啦！最後我地要搭車走啦！

　　唔好以為冇野講！仲有放學嫁麻∼我同王健璋等呀王雅婷！之後李誌日就話請我食野！我地又見到黎家餅係到！佢叫我地幫佢搵野！最後都搵到啦！去教員室我又見到江凱宜！佢又唔應我！我．．．．冇野好講！

　　之後我、王健璋、李誌日、王雅婷就去ｍ記食野！全部都係李誌日請嫁（所以下次要食野，記住要跟佢）！王雅婷條死人＊＊，佢打包走左，不但止，仲調轉頭話番我地！都係冇野講啦！８８！

（今次我用左唔同顏色係是因想表達唔同地方或時間，如果有野見唔到或有任何意見，隨時ａｄｄ我啦！）