今日，令我改變左好多好多．．．

　　我８點３０起身∼唔算早都唔算遲！今日喉嚨勁痛（未開聲哎）！有小小似怪物聲咁！好低音丫！收拾下野∼自己一個趕趕忙忙地搭巴士啦！落車時候，見到已經９點５３啦！我就跑呀跑∼紅燈衝過∼去到學校大門∼行到有蓋操場∼見到個鐘！９點５７∼幸好∼上到禮堂！見到已經好多人ｌｕ∼搵個位子坐啦！又有好多野做下！唱唱歌！讀讀詩！祈祈禱咁啦！完啦！有堂委選舉！阿餅都有參選！不過我冇得投票！總共有１７個候選人！我想睇下個唱票情況！　　之後我返屋企，ｏｎ　ｍｓｎ，見到好多人，江凱宜呀．．．林曉偲啦．．．．王雅婷等啦！江凱宜問我功課．．．我先發覺冇帶返黎！係學校！我就跑去學校（行路）！番到去．．４點４！我就搵呀搵，比我搵到啵！見有時間，我咪做下功課囉！係平台見到呀燒賣佢地！佢地係到討論功課，議論紛紛！我就做功課囉∼做下做下，就５點啦！要清場喎∼咁我就收拾野走啦！七七八八∼去到有蓋操場，去左部維他水機，我就買左盒朱古力＋咖啡維他奶黎飲，見到明輝呀！我就急急腳走啦！驚佢鬧呀＝"＝！我去左ｍ記，買左４隻雞翼上車食囉！去到田家炳搭車∼見到好多人打波呀！睇睇下，就有車啦！上車食得幾滋味啊．．．．．．

（下次會使用書面語）