夜晚時，覺得凍凍地，不過我好enjoy。
聽日我去榴槤屋開工啦！人生第一次打工，好緊張呢！怕做錯事掛！其實都唔會太擔心呢d野既，
因係唔使我去掂個部收銀機，就得咖啦！我怕我會收少錢，找多錢俾人啊！
今日下晝去左容姨家拜年，第一次去人地屋企拜咋，今年黎講。
新年係我最最最最最鍾意既節日，點可以在家無無聊聊甘過咖？今日既利是唔係好多，得$80。
係觀塘搭車上去樂華邨時，我見到部小巴後面貼左句 - 心想事成係到，我見到好開心呀！
我真係好鍾意呢句四字詞，每日俾我聽一次，就好啦！haha...........................
之後我就一個人走先，係樂華邨個到搭返車落去觀塘，幾驚搭錯車呀！一個人走，
有d寂寞，但我又係好enjoy喎！一個人既時間，可以諗到好多「好」既野。
個時個頭又痛喎！唔知係未因為我食得多朱古力多呢？琴日一路打麻雀，一路係甘食，
一時食得多得制，而家諗起 - 確實幾熱氣下。好彩無生暗瘡姐！
返到家啦！10分鐘之後，鍾雅容、鍾雅婷、鍾雅絲黎左我家打牌，再過15min，奶ma同hiki又黎到我家。
鍾雅絲就讓左個位俾奶ma打，鍾雅容乘機調位，坐左鍾雅絲個位，諗住可以轉下運，但結果，
佢都只係羸左 3抱到啦！鍾雅絲就至巴閉，全場大羸家，新丁上場，係旺d咖啦！搞到我都有d唔底得添！
今日東宮 - 我、西宮 - hiki、北宮 - 奶ma，都係晒到，就係差左個南宮 - 阿奶爹啊！如果唔係，
就真係 東、南、西、北，麻雀大比拼啦！不過就肯定係hiki、奶爹做陪打既，只係得我同奶ma鬥既姐！
差唔多次次都係甘。
講返夜晚啦！同si ming ya傾電話，好搞笑啊！次次都笑到收唔到聲，我今日見到man siwen，
si ming ya就問我有冇叫佢，我就梗係無啦！因為我係部16m到，點叫姐，仲係上層。
then，我地就繼續傾啦！我問佢新年接左幾多利是。嘩....佢就好啦！就黎$1000啦！
我先得個$600幾呀！ 不過算啦！我仲有好多家人未去，慢慢黎，最緊要，唔好有人阻我發達。
我再問佢，新年有冇買過d咩！佢買左真係幾多野下，不過我都係睇佢買左d 老積衫咖啦！
si ming ya你個樣夠晒老實咖啦！ 仲著買呢d衫，就真係俾得人搵你笨的了。
之後傾傾下，就唔記得左點解會講到粗口。我問佢點解會講仆街，係未有人激嬲左佢？
佢又就唔係，甘點解會講，佢又講唔出原因，但就好記得，當時佢個補習老師問佢 - 你講咩話？
佢 - 哦，唔記得左。補習老師 - 你知唔知，係唔可以講粗口咖？(極度嚴肅甘講喎)之呢次之後，
si ming ya就以後都唔敢講粗口啦！haha.........最後，我地就唔知點解要收線，我有太多既唔記得啦！ |
