女人，真係好煩啊！整個頭都要成4個幾鐘，仲要係4個女人添！
我同lam king就慘囉！係呢4個鐘入面差唔多兜雲晒成個觀塘，
「支力」到我地對腳軟林林，以家仲痛痛地！真過隱啊！
天氣又太過陽光普照喎！我同lam king就曬暈啦！
之後我就同非洲貢品講：喂......同你既至愛 - 太陽 say hi 啦！
非洲貢品：下......bye bye！
我再講：haha.........你千奇未避佢呀！
非洲貢品：下......甘熱！
哎.....又真係好熱既！
我今日既中文會話好似衰左，曾經囉過10咖！太我睇今次都係得5~7分，
哎..............真係衰收尾(今日考最後一科英文)！
另外，我今日買左一件白色、深綠色同深紫色既衫。之後俾錢時，
個售貨員講：你著大碼啊！怕唔怕大得制啊？
我就問lam king覺得點，佢講：我覺得大碼好d。
售貨員講：不如你跟我出黎，睇買中碼覺岩唔岩你呀！我怕你大得制啊！
我就拎買袋衫出去睇，個售貨員就拎左件中碼出黎俾我睇，
lam king話：中碼好似無甘大喎！
售貨員：唔緊要啦！你返屋企試下先啦！可以返黎換咖！但唔好撕走個牌喎！
我：好呀！唔該你呀！
走左出去，lam king同我講：我諗個售貨員以為你要岩岩好合身，所以叫你
去睇買中碼。
我：haha......我都係甘覺，但我係專登要大件既！
lam king：個售貨員真係好好服務啊！
我講：係喎！好少有甘好服務既售貨員！
講真呀！真係好少售貨員係甘好服務囉！我買得好開心，又稱心！haha.......

哎....今日朝早時，我好想訓耐d啊！但唔知點解好似點訓都唔著甘，
但我又好「支力」喎！我真係好想繼續訓啊！我左訓右訓，結果都係一樣，
訓唔到，不過算啦！我就拎t.A.T.u.既cd黎聽，聽聽下， 覺得好熱，
就費事聽，同走左出廳到坐。之後有粒蒲公英既種子飄左入黎我屋企到，
我貪得意去吹下佢，佢就唔知飄左去邊啦！ 諗住仲想張佢放係個種蘆薈既
盆到由佢生出黎，點知衰在自己 太貪玩，吹左佢唔知係邊到。
仲有 - 我拎個裝耳環既籃仔同d耳環一齊去次所到洗時，洗洗下，
唔小心打爛左個籃仔(佢係同d類似陶瓷既物料做既)，激到我呀！
之後都唔知用咩稷裝d耳環好，不過諗諗下，我可以用香薰座既上
面個個兜黎裝耳環。haha........發覺自己都蠢唔晒。起飛都諗到辦法黎搞返掂件事。
今日係我生日 - 舊曆啊！阿媽就話煲湯我飲，話慶祝我生日，講黎都廢既，
平時未又有得飲，加上我又係極憎飲湯﹐所以我今晚一定又要我發晒爛咋甘勁
講粗口鬧d笑湯，d湯對我黎講，飲多多都無用，根本就係廢既。
曉..........好憎d臭湯啊！快d到下個星期日就好囉！因為個日係我既生日，
兩個生都係正星期日，真好彩，兩個生日都唔洗返學。但我呢個舊曆生日係勁唔開心，
因為要飲d臭湯啊！我阿媽呢一招好絕啊 - 甘樣黎迫我飲臭湯，佢好野！
我實記住佢。哼.....................激氣.................

好多時都覺得自己好無奈，係因為同家人相處得唔多好。
1.我覺得我老豆佢係好無謂既，細佬唔開洗衣機毫要我去開， 我話唔開，係因為我岩岩先洗完碗；我唔想又行多次， 所以未遲d先再開囉！佢就講我，做多樣野都唔得。 係呀！我真係唔得咖！以後唔好叫我做野囉！仲有啊！部電腦係愛黎用咖！唔係玩，你未再係到用錯字眼。我好唔鍾意，白痴。
2.我阿媽係24小時不停甘用佢d無敵波音功黎轟炸我對耳， 我覺得好煩，真係唔想再聽，好想一個人好安靜甘做自己想做既， 但真係好難囉！有時屋企待返我一個時，我覺得真係好free， 好舒服同好enjoy呢段時間。我阿媽仲叫我平時笑多d，唔好成日la住塊面，日後你條命會好苦(佢好迷信，但都唔可以話佢既， 因為自己有時都係甘上下。)，呢句話好無聊！我平時係學校係成日笑的， 除左上堂時，係唔多會笑(有搞笑既事件發生係課堂上，我又係會大笑。)我只係家，唔多笑姐。 唔代表我成日la住塊面咖！圾戇。
3.我細佬就最無知，佢成日都係到問我一d連小學一年級都識寫既字， 我就會好嬲，因為個字太簡單啦！有物理由你係唔識咖！英文可能會串錯 同解錯個mean，但中文係由細學到大咖！無可能唔識，可能有d人對中文係 特別弱，但都唔應該就連一年班都識寫既字而黎問我啊ma？深既字，我唔介意 你黎問我，因為多筆畫同個字體古怪，好難睇到明，我會話你知點解， 就千奇唔好再問我d好簡單又易既字呀！乞人憎，低能。
4.我係好憎一種人既，就係我同佢講野時，佢做其他野就係唔多好，但最起碼 都聽到我講既野同俾到適當既反應我啊！有咩理由真係物都聽唔到咖？ 又唔出聲，呢下先憎啊！你個人接受能力低，唔緊要，但都無可能 唔明我講物下化？
哎.............我真係就黎痴線，要入青山咖啦！再甘樣落去，對住我家人，我個心好淡。
就連食飯，我都係一個人買一邊食，唔會同佢地一台。
真係好想可以一個人搬出去住，自由自在；以後唔洗俾人噪，覺得煩。
所以而家我為左我既自由，我既快樂而要加油努力。

今日對腳無濕到，但都覺得好辛苦，
我開頭用兩個膠袋包住對腳，
等佢唔好俾d水整濕啦！
點知，今日無濕到腳，真係晒心機。
我覺得d數學exam，好難啊！
難到無能。我做做下，做到成個人都萌晒！
萌死我啦！之後仲認唔住爆左句粗：
邊撚個出咖？頂.......甘差難，鬼識做咩？
小息時，我去問其他同學覺得點，
佢地都話好囉命！好難做！有d同我一樣爆晒粗喎！
哎.............可知今次真係幾難啊！
之後個份MC就好d，起碼有得撞下d答案。
放學時，lam king同lily去我家睇vidio。
上車時，佢地俾左7蚊，但其實係要7.6咖！
佢地真係大頭蝦囉！我話：不如影底你地個蝦碌樣呢？
haha.........佢地話：唔好。

諗返起前兩日既listening exam就覺得好好彩，因為我個receiver
既其中一邊耳筒係「沙沙」聲，搞到我聽唔到段錄音帶講物，
但另一邊就好清楚，甘樣無影響到我既聆聽考試。
我平時都係慣左戴一個耳筒而唔會兩邊戴，因為覺得兩邊戴，
我係唔會留意身邊所發生既任何事，好似過馬路甘，我唔會睇下左右
兩面有冇物黎緊，我係照直行既！個個時候真係勁危險囉！haha...
頭先細佬同我阿媽係到噪，我覺得好無聊但又好鬼搞笑喎！
我阿媽叫細佬食飯，佢點都唔制，我阿媽未兇佢囉！諗住會有效，
點知細佬寧死不屈甘拒絕左碗，跟住我阿媽都無氣再同佢嗌啦！
就叫佢飲左杯蓮子心水，蓮子心係極苦既野，所以細佬要立左粒冰糖黎
食，我阿媽就話佢落左好多冰糖係d蓮子水到，所以唔洗再囉冰糖喎！
細佬又點會信呀！甘鬼苦。
哎.......家下連我都要飲，我就話：唔係呀！我都要？
我mama：梗係，蓮子水降火呀！
氣..........我邊有甘多火呀！呢排都無物發脾氣，又何來有火呢？
係細佬有火咋麻，關我咩事呢？唉..............
真係俾我阿媽激鬼死。講多無謂，飲野就最實際喎！
天啊？我唔想飲啊！苦唔係問題，臭至最囉命麻！
我最唔like聞到d臭既味。
係時候又要幫我阿媽拖地啦！今日就係甘多先﹐聽日再繼續。