第十七集
<請你不要阻我喜歡你>


我:哦~唔鍾意丫?咁我走囉(笑~想開車門)

亞峰一手就拉住小冰,哄到好埋,兩個人ga心跳聲

都好大,小冰面都紅哂,想推開佢,但係亞峰已經

錫左落佢個咀到
,
小冰好大力咁推開左峰,用手遮住自己個咀

我:你..............(一面尷尬)

峰:你想唔想知今晚發生咩事丫?(微笑,一本正經咁講)

我:.................(見到佢個樣,又唔記得左嬲佢)

峰:我亞爸迫我娶一個我唔鍾意ga女人,

我ga人生要由我自己決定,我唔會

比任何人擺布...........(好冷淡咁講)

我:咁同你錫我有咩關系wo(dum低頭,面紅)

峰:你哩個女人真係好蠢,我講到咁你都唔明?(嬲_+大聲)

我:你咁大聲做咩姐,你知唔知而家幾多點丫?

仲有你想我明d咩姐?你唔講我點知wo?

峰:咁係因為我鍾..................唉,無野啦,唔明就算啦(發脾氣)

我:咁無野啦麻,咁我走啦(落車)

其實亞峰想開口講鍾意小冰,但係佢又從來都未試過鍾意人

再加上佢未試過主動開口,所以為左顧住面子,最後有無講到

但係係佢心裡面已經暗暗下左一個決定,就係除左小冰之外

所有女人佢都唔會要

*******************************藍宅************************

亞峰返到屋企見到佢爸爸坐左係廳到睇報紙

佢粒聲唔出咁行上房

峰爸:你同我企係度,你同我交帶返今晚ga事先好走

峰:我唔覺得我有咩要交帶wo?(企左係樓梯中間)

峰爸:你咁講姐係咩意思丫?(嬲)

峰":我唔會為左你ga事業去娶一個我鍾意ga女人

哩個就係我ga意思(好冷酷咁講)

峰爸:為左我ga事業?而家唔係講緊我ga事業丫

而家係關乎家族ga聲譽,如果唔係你咁唔檢點

你今日就唔洗娶果個女仔

峰:你想講咩丫?(完全唔知咩事)

峰爸:你問你自己做過d咩啦(行左去)

~~~~~~~~~~~~~~~~~~~待續~~~~~~~~~~~~~~~~~~~~

作者小語:唔通真係要為左家族ga聲譽

就要放棄王子ga幸福?

惡魔王子又會唔會甘心命運ga擺布呢?