今日成１１點幾先起身，比阿媽鬧到我一面屁，話我夜訓遲起喎，咁暑假係比我架嘛，比你架咩，咁早咪又係打機，又唔比人打機，又要早起身，唔通睇埋ｄ ｏｎ９９卡通牙，你睇我都唔睇啦，咁就上吓網喇，又同城城玩ｉｃｑ咁，先記得我要做功課，做左半個鐘，個阿ｓｉｒ都唔知係咪好病，比埋ｄ未教既比我，都唔識做．．．．．空晒．．．咁就又打機喇，打打吓城城話去踢波，就去踢喇，我都好想踢波，大約２點半就搭車，去左元朗踢，城城話果個場好正呀，不過都唔錯呀果度，我帶佢去既，之後我就叫埋我堂細佬，波子去，波子第一次早到呀！！勁正 ，咁就同城城一齊去喇，行左１０分鐘路，到左喇．．重有人早過我地，踢左陣就同人鬥波喇，我地炒人呀，勁正，第一次同人鬥波炒到人，我又係咁助攻喎，原來傳比人入波，會同入波果個一樣咁開心架，好正呀，所以我決定轉型，變一個傳得，射得，過得，帶得既中場，如果我有ｄ　speed就好喇，可以做埋前鋒，但世事不能盡如人意，我都係鐘意做中場，好開心，好似自由人架，又唔多洗回防，因為我係進攻中場嘛 ．．．．．

之後第２次同人鬥波，已經係４點幾既事喇，今次要同大人鬥呀，ｄ人身位好勁呀，我地係咁輸 ，之後我左入左黎，ｄ攻擊力好似大左咁（我覺架咋），攻擊就好似勁左，但係防就弱左喇，因為我冇回防嘛，之前果個就唔多攻，成日都防守，我就係咁攻，我一個都過到１．２個，有次重過左３個之後交比城城，城城唔入咋．．差小小，不過我係唔會怪佢，因為我都唔會入，我射波唔係叻嘛，比佢射啦，最後我同佢既努力冇白費喇，林走果陣我做助攻城城入波，太開心喇，我覺得同城城夾得好好咁，可能係我ｅ家轉型左，唔會自己過會交吓波咁．第１次覺得自己轉左型，果種感覺好特別．．第１次有ｅ種感覺，又可能我好信任城城，知交比佢就會入啦．．．哈哈．．．今日太開心喇，寫左好多野ｔｉｍ∼我知你地覺得有ｄ悶，ｓｏｒｒｙ．．．

波子今日同人鬥波做龍呀，做做吓我叫佢打後衛，因為我冇力跑喇，一開始我助攻助守，原來咁支力架，跟住覺得波子打後好過做龍喎，佢怕波既．．．激死我喇，咁我做龍果陣有人射波喎，我唔知點解用左排球果ｄ技術黎擋波，勁搞笑呀！！人地笠我，我就托高個波，再用下手打返出去，我都唔知想點．．．好似有ｄ冇肉排球喎，是但啦．．．但係我隻手冇力，打到去大禁區咋．．．．好屎呀．．不過果個係足球．．