喱件事都係早幾日之前，果日係ｍ記放工。行到差唔多返屋企果時見到個行動不便婆婆拖住ｄ水樽。好心問下佢，洗唔洗幫手啦；一問之下，先知佢去攞水（唔係60年時代，重咩要攞水。註：約1963年停止制水)我幫佢去到一間茶餐『聽』後巷攞水，佢6個水樽加一個奶粉罐；我不停地幫佢斟滿一支支。最後，拖到佢工作地點看到一快快的紙皮。再問下，佢日日得果20蚊，7支水係佢幾日得洗用(包括飲用，洗澡)。大家試諗下，香港政府係唔係無照顧基層，老人家。單單一個基本的需要，政府都俾唔到人。試問：香港政府點樣可以面對香港7百萬港人，點樣幫到最基層員工！
跟進：太和村的清潔工的薪金：今日問個一個清潔工人(房屋署轄下)，佢返8小時得過4千幾平均的21-23蚊左右，遠比政府合約的5220.8元正為低。最新的清潔工為25.1元正(6月份最低工資)政府外判的公司全部都有工資指引。我會向業主立案法團反映，要求清潔公司加到市場合理水平。
職工盟跟進：本月28號係立法最低工資改善貧富懸殊大遊行，希望各社會人仕參與，詳情會遲d公佈。我到時都會出席，希望各連鎖快餐店員工能夠出席遊行，向各連鎖快餐店老細反映。
|
