今日一早6點幾就起左身啦

第一次考會考心緊有d緊張..仲要係我最重要果科(電腦)

今日係去福建到考...7點鐘出左門口搭85號去左小西灣 

之前仲以為要好耐...但都唔係既用左半個鐘就到左啦 >.<

去到先係7點半...唉咁鬼早悶死我啦=.=" 

仲要你出面等...企左成40分鐘先入得去 

入到去仲要等左陣先入禮堂

因為第一次考所以入到去好得緊張...驚做錯野俾人扣分

第一份卷做成兩個鐘...坐到patpat都痛晒..

未完第一份卷就去左廁所

發覺個廁所真係好靚有d唔捨得走=.="

之後好彩第二份係一個鐘姐=.="

考完就番左學校諗住溫物理

但最後都唔係溫去左同人捉棋..都係諗住補習先溫

唉...點知仲衰...d小學生嘈鬼住晒都唔知點溫...嘈到火都黎..咁就有幾個小學生俾我罵左

番到屋企眼訓冇溫到...真係全日冇溫過書

唯有明天努力啦