好多人都話我頹左好多,有D仲會走黎問我係唔係發生左D咩事,其實..我一D事都冇,只不過,好似係11月開始就係咁啦。

唔知做咩..身邊既人都話我有D COOL,唔開心等等。不過我真係冇事,最多有時係岩岩訓醒姐...

我最近好似日日都有D事唔開心,就算係一D小事,我都可以唔開心好耐...唔知為咩..可能係對象問題掛,做左一D野或者講左一D說話,我覺得好唔舒服,不過..過左5分鐘之後,心情變番正常,但係..仲係黑口黑面。冇左個種玩野,搞笑既氣力...

問我做咩咁DOWN呀,我一定會話冇野,因為我真係唔記得左因為咩事唔開心,但係就冇曬心情。所以,你話氹我開心...根本冇用,我真係冇事

而最近E一年,我食多左好多甜野..原因係除左睇得銀魂太多之外,就係我覺得咁樣做人地會覺得我開心,雖然唔係話唔鐘意甜野,但係我覺得咁做只係想比人睇到我總算會因為一D野而開心。

今日,仙人掌話佢好冇用,無論佢講幾多野氹我開心都好,都唔夠我食一樣甜既野....聽完之後我好想罵佢,不過又唔知講D咩..只可以講:點係呢.....

我個陣專登買D甜野係想話比佢知我冇唔開心,但係佢就因為咁而覺得自己冇用,聽左之後,我根本冇心情想食...只係放左係檯面...

唔想比人睇上去覺得我唔開心都咁難,直接同人講,人地又唔信,話我收收埋埋。

只可以食住甜野黎證明自己既心情好好,但係又有反效果..我唔知道我應該點做...只不過係唔想比人睇到我個樣咁似唔開心姐!

或者...下次見我咁既樣個陣,其實唔洗話要氹我...只要有個人係我既身邊,陪下我,講下笑,我就好足夠嫁啦..雖然我既語氣或者會好COOL,好DOWN..不過唔洗在意,我只係想有人肯同我吹下水,,我就OK嫁啦=]]