好熱呀......咁既天氣要持續到幾時呀!!

今日考中文,我兩份卷都寫左好多野呀,希望都合格啦....

係E兩份卷既之後,就到英文ORAL 我要到2點50分先考...有排等

同班友仔去食野之後,就坐係小食部吹水..等夠鐘

我仲講左個冇人知道既秘密比光同進聽.....

到考英文ORAL啦...本來都諗住OK既...點知.....死曬囉

唔知要講D咩....題目係要搵一樣野送比個入左醫院一個星期既朋友同有冇探過朋友

唔識講呀...

之後就同慧慧去中銀...佢要去問野...我見到我呀妹,佢睇唔到我=]

慧慧就比企係佢前面既女人搞到好火呀....

之後因為太熱而去買雪糕食=W=

番到屋企之後一陣,我就搵曬D地理書出黎...唔見左幾本..去左邊到呀= =

之後就同屋企人出街食飯,食壽司= =不過我只係覺得D茶好好味= = 煎茶是好物=]

再去買收音機,SONY既好貴呀....2百幾蚊,我就睇中左個130蚊左右既收音機,因為個樣OK既

之後我呀媽就話要個9X蚊既收音機好冇,話多人用,點知賣野比我地個個呀嬸又係到講話個部野點好點好,但係因為個樣好老土,我唔鐘意

我話唔鐘意個部,話要番我本來話想要個部,個女人就係到串我,話唔係部機勁就得既,個人勁先係最重要,又話D人用廢機又點點點...好明顯係串我囉..火都黎...我望一望佢..點下頭...係賣比我就快啦- -|||

最後我都總算買番自己比較想要個部..可以既話緊係SONY好= =不過太貴,唔想呀媽洗咁多錢...哈..講咁既野唔似我呢..

番到屋企就打左E篇野...聽日既英文1A1B卷我要加油.....