今日一朝早我就同光去搵學校,因為要去中文ORAL,所以同佢同佢媽媽一齊去搵,佢9點半打黎問我得未,我9點3先起身,個陣換緊衫

佢同我講話10點啦,走得未,我同佢講:E加先9點半炸..我仲換緊衫..等等再搵你啦

之後就出發啦

去到之後走左個大圈,因為唔係好識路,最後都去到啦。個到既女生校服唔錯

搵完之後仲有時間,光媽媽叫我地去飲茶,多謝曬呀=] 同佢地去飲茶今次係第2次..兩次都係誤打誤撞咁= =

坐西鐵番去,慧慧打黎,話佢出緊門口,我就去接佢啦,光要換校服番學校所以走先,我換左先出門口。

坐左陣,佢都黎到啦,之後轉輕鐵番學校,點知開始有雨,仲愈黎愈大,好彩慧慧有帶遮=] 叻女~

之後我地就好浪漫咁雨中慢步行番學校,入到去見到格硬同cafe坐左係到,我睇到既原因係因為我裝備左眼鏡(int+3)

同地係到講謝師宴既問題,原來佢地都可以去架!不過格硬唔肯去,見到濕曬身好性感既肥肥,走過去同佢玩

點知佢想比一個愛的抱抱我,佢個FD都係= =|||

格硬話肥肥去佢都去,我就去說服肥肥啦

希望佢地去啦,到時有人陪我=]

夠鐘,我地上去練ORAL,我分左去第2間課室到考,只可以講我同cafe好有緣,次次oral佢都係同我一齊@_@''

其間D野都冇咩好講

到完既時候,MISS同我講左陣野,之後出到走廊......

MISS傅:你唔洗等人咩? (唔知佢想暗示邊個)

我:....我落去等佢就得啦..

MISS:唔好啦,你入埋去等佢啦,聽下佢地講咩嗎..

我:唔洗啦..

之後MISS就拉左我入去..大家見到都好驚訝..我自己都係

佢地做緊朗讀,我坐左係到..聰哥打黎= =

係大家朗讀緊既時候,我見到D好得意既野=]

仲有比人毆打= =

佢地都走得啦,就去左圖書館到印兩張表出黎

搞掂...走得 (好似愈講愈悶咁既!?)

陪慧慧去買鞋,佢諗左好耐= =

番去之前買左個甜品比佢..佢好開心呀=]

最後就送佢番去..咁又一日啦~

無無聊聊既生活先似我=﹏=