(八號風球)

(今日個天終於開始打八號風球.....幸好...今次依個八號風球好聽大眾市民既祈禱...

八號風球o係朝早先開始打風...依見係一件好事...好似係一日特別既假期)

(每逢落雨既日子...我都會好好訓....可能係我張床近窗...聽住滴答既雨聲...雨聲陪隨著我入睡.....每次落雨...發既夢都好SWEET....)

今日發既夢...係我以前發生過既事

煩:晴光AR.....不如我地分手...我...我知你對我好好....分手係因為我...係我自私...

(阿煩係我F.2時候既女朋友...原本我地相處都好好..不過阿煩以前既男朋友返左黎....最後佢地都o係返一齊....

我冇怪過阿煩....阿煩係我永遠都捉唔住既一個女朋友)

光:係咪因為佢AR...

(阿煩冇答....我知佢都好辛苦....所以我決定放手...比佢地係一齊...)

光:好喇...唔好再喊LA....唔令喇....

煩:你就唔令AR....

光:笑番咪好囉....

(叫人地開心...其實我個心簡單就碎曬咁.....)

返到屋企....我真係喊左出黎.....電話響起....

歡:喂..晴光....做咩AR你...你喊AR....你唔好喊住...等我過黎....

(我真係唔想比阿歡見到我而家個樣....)

我即刻走出屋企....當升降機打開門既時候....我見到阿歡....我地大家都望住對方...突然個心有種奇怪既感覺....

升降機關門既時候....我叫左一聲"阿歡"....好可惜....升降機已經關門....我跪左係地上....眼淚一滴一滴滴響地下....

我不斷咁求升降機打開門..比我見返佢既話..我會話佢聽"我愛你".....最後...有一條光線係升降機門縫透出黎....

升降機打開番....阿歡抱住我......

突然之間.....電話響起..我由夢中出返黎....

光:喂....

歡:喂!!晴光..精神D LA...估下我係邊個...

光:阿MOON???

歡:咩阿MOON...我AR....

光:阿歡.....???

歡:係AR....你估下我o係邊!!!

叮噹..叮噹...門鈴響起....

歡:HELLO...有冇掛住我AR..晴光!!!

(今日真係好奇妙....點降我會發咁既夢呢???)

今日個天落好大雨.....下雨天既感覺...好特別...