今日我地約埋一齊同李兆麟提早慶祝生日
之前佢同我地慶祝
今次掉番轉lor
係琴晚係度商量食飯地點及玩咩
真係諗到頭都大埋
皆因我冇錢既問題
搞到佢地諗既提議都告吹
真係非常唔好意思

最後我地決定左下晝去鬥雞度玩
我同晉文公約埋一齊搭車出去
阿東就約左李兆麟
我地兩個人一齊搭車
係車上面打左個電話去阿東屋企
點知佢家姐話佢出左門口
我就估阿東一定搭我地果班車
果然,阿東真係搭我地果班車
仲一齊傾計

架車出到去深水埗
我叫阿東打俾李兆麟睇下佢係邊
哇~~
真係估佢唔到
佢居然仲係屋企
咁冇計la~
我地上鬥雞度玩住先lor
一上到鬥雞度
我地就玩啤牌
玩左一陣又轉玩打麻雀
打打下,李兆麟終於到la
我就讓左個位俾佢打
我就走左去玩fm
太耐冇玩la
呢隻game
真係好懷念啊~

之後佢地話玩UNO
我米走過去玩lor
今日都唔知做咩手風咁順
贏多過輸
就算輸都唔會過30分
點知玩玩下
佢地話之前講贏果個要比輸果個lam
哇!咁核突!我米好危險
我立即係下一盤玩keep牌
連逐兩盤攞70幾分
最後一盤之後
呵呵~
我攞第三名
晉文公攞左第一
阿東攞左第五
哈哈~
阿東要lam晉文公隻腳
真係睇都覺得核突呀~

跟住我地去左西九食壽司
等左成差唔多兩粒鐘先入到去
好彩我地用左呢d時間去冒險樂園玩
我地贏左差唔多300幾張飛
但係睇到人地成二千幾三千張飛
真係唉~
我地終於知道咩叫小巫見大巫la

入到去阿東急不及待咁狂攞
話同我地鬥食得多喎
食到最尾米我地都食左成16碟
打個和
之後我地上左去頂樓
見到有個類似機舖既東西
米去睇睇lor
門口果句野真係得個頂字
「16歲以上人士不得內進」

之後我地送左晉文公去搭車先
我地幾個就去左奧海城果邊間機舖打機
哇!!我真係唔知搞咩咁勁
打隻gundam seed竟然可以打到去第八關喎
真係一個奇跡
仲要俾人挑機兩次都贏哂
真係冇得彈呀
估唔到我用freedom係咁勁架~

P.S.我份language功課未完成呀
     爭幅相呀,不過冇相機真係冇計