今日真係厲害之極呀
一口氣上四粒鐘堂
真係未試過呀
平時最多都係一口氣三粒鐘
今次都算係突破lu
兩粒鐘management
兩粒鐘I.T.

不過兩粒鐘既management
我覺得都唔係好耐啫
都幾開心呀
kitty講左一件佢既事
佢話九月既時候有一日打三號風球(我都唔係好記得有冇)
果日夜晚話神召佢地去太平山山頂祈禱喎
(咁神都好玩野喎)
去到商場果度
諗住搭架的士上去山頂
點知連逐兩架的士既司機都say no
之後佢地祈禱
同神講：「如果你叫我地上去山頂祈禱,就派使者接我地上去la」
之後真係有一架的士既司機肯車佢地上去喎
(堅定流呀)
仲問我地點解之前既司機唔車佢地上去喎
一係趕住交更
一係就係因為車佢地上山頂都係$15
但係車d人出番去金鐘
賺好多喎
祈完禱之後又有煩惱la
點落番去呢?
又冇的士
佢地又祈禱叫神派個使者黎車佢地落番去
又咁啱有一架私家車上黎
個司機上黎開個窗兩秒就想開車走
又望一望佢地果邊
kitty就走過去問果個人
果個人叫佢地上車
上左車先問佢地之前點上去
(哇!!係米咁啱得咁橋呀!!係米吹水架?!)
不過真係幾過癮架個故事

係上第二粒鐘既management之前
我地要轉房上堂
係Rm338門口見到蔥蔥
佢拉我埋一邊
又同我講何慧瀅(rebecca)d野
佢同我講話rebecca有一日搭馬鐵番學
架馬鐵又故障
咁啱佢個fd(rebecca個ex-boyfd)同個妹又係搭果架
rebecca想知搭81C要幾耐先番到學校
佢就係唔問佢個EX-BOYFD
走去問個妹
點知個妹又唔知
蔥蔥同我講：「駛唔駛咁呀?而家連朋友都不如,何慧瀅好決絕喎!!」
我反而覺得何慧瀅咁做都唔出奇丫
佢只不過唔想對住?
費時又諗番D唔開心既野
人之常情丫
況且我之前都有建議過佢唔好理佢?

放學之後陪阿東行街
左行行右行行
邊行邊吹水
行到成七點幾先行番去
不過阿東行行下街途中肚痛
要走去廁所解決
(係米食左D唔乾淨既野呀)