今日我地一早去左飲茶
晏晝表哥、表嫂、爸、媽、姑媽去三鄉行街
我一整天都跟住我個表姪女陳卓尔

先先係同佢去唱卡拉OK
除左我地兩個
仲有佢既兩個fd
兩個我之前都見過既──
陳嘉麗同???(唔記得叫咩名)
陳嘉麗就上次返黎就見過架la
佢同卓尔好熟
同表嫂佢地都好熟
另一個就係卓尔上次落黎香港唱K時見過
佢地一揀d男女合唱就揾我
搞到我唱到差唔多聲沙

夜晚陳嘉麗同我、卓尔食飯
另外果個約左男友
so走左
不過卓尔要去接人
so我同陳嘉麗去食飯果度先
之後卓尔帶左個男仔黎(佢個男友來的)
我覺得佢份人好粗魯
不過算la
卓尔佢喜歡我都沒所謂la
不過佢同陳嘉麗好似貼錯門神咁
食咁耐飯
鬧足咁耐交

食完飯
我地四個人去左冒險樂園打機
我打頭文字D
卓尔同佢地玩其他game
之後佢個男友先走

打完機
我地諗住去吧飲野聽人地表演唱歌
but我地太早(9:30pm)
表演10:30pm先開始
so我地過左去隔離新開既KTV房(今日新開的呢!!)
每人$9唱兩粒鐘
very cheap
but d音響設施好爛
換左三間房都係咁
so我地走人
不過d野飲唔錯
係略嫌貴左d啫

走果時卓尔個男友打俾佢
問佢係邊
話佢咁夜都唔返屋企
要佢返到屋企用屋企電話打俾佢(真係聰明呀吓!!)
由於表哥出黎果時唔記得攞車匙
搞到遲左
但遲左果段時間
卓尔已經好急燥la
係咁叫我地幫佢諗藉口同佢男友解釋
一上車就同表哥講話好急
叫佢揸快d
我仲玩佢話M記有廁所
佢話一定要返屋企去

返到去佢第一時間攞電話打去補鑊
好彩佢話我知只係話左佢一陣
冇咩事