晏晝食完飯
又同一班文化人去火炭焗桑拿
今次又執到三本書
同上次唔同
今次呢幾本都係厚書
所以係賺左

之後直接搭小巴飛出去荃灣
因為之前鑽石山果個宣明會義賣舊書
搬左出去荃灣
出到去大家又不停揾書
軒又買左一大叠書
東就攞左好多電腦書
呢排淨係買書都用左幾百蚊

買完書就陪東去左如心廣場睇植物化石
我就冇乜興趣
不過平時都係東陪我去我想去既地方
今次掉返轉我陪返佢啫

今日阿John返公司
我地傾左好多野
我真係好想阿John快d出完job
有佢係度我先冇咁孤獨
有佢我先會開心d

今日真係好攰
每日都唔夠瞓
遲早就頂唔順瞓低架la

放工去左觀塘join軒去打撃中心打棒球
真係唔好講笑
唔係咁易打
打到隻手好痛

打完又去返上次食果間一品香食
今次d野真係唔係好掂
我同軒個麵都唔得
個醉雞完全唔入味
完全唔掂

今日搭車返工既時候
收到阿Wing既whatsapp message
多謝我送份禮物俾佢
令我覺得好開心
係公司都有傾左一陣偈
不過到放工既時候
又回到平時一樣
只係理Mandy
完全唔理我
我真係唔明白女仔既心諗咩

今日一早送左份生日禮物俾阿Wing
冇什麼特別反應
算吧
反正原本諗住可能會黑住面咁收
冇就已經好好lu

到差唔多放工既時候
突然發覺天空有兩條好靚既彩虹
其中一條仲要係非常之清淅
這應該係上天送俾阿Wing既生日禮物吧

多得呢條彩虹
阿Wing既心情極好
平時黑面及不理會我的
今天亦難得地對我笑同傾偈
對我來說已經係好好la

夜晚同軒去左上棒球班
今日主要係學跑壘
真係幾耗費體力的