今日本身真係好認真咁，一起身就開始做功課，不過......瞓到十一點幾先起身，食埋早餐仲要掠衫拾屋，之後都夠鐘食lunch.做功課既時候已經係兩黠幾la。開始做功課一陣，阿媽打電話返黎，叫我即刻拎佢張電話卡既單比佢，就係咁，我就被召左出新港城，三點出門口，返到屋企四點幾成五點。食完m記就好不自覺地o係書枱照鏡........之後六點就煮飯同埋上網睇下d電話。
     唉....就咁又過左一日la.......好無聊........聽日我諗都會係咁，因為聽日要同阿媽去買電話，好快就又過一日，我個假.......好似無放一樣.....又唔知自己做緊乜........死la.......依家完全揾唔倒自己既目標呀......我都sense倒自己好hae.......不過又提不起精神去讀書.......唔知點算.......只係識point out自己既問題，但完全無推動力去improve，又force唔倒自己去溫書.......我記得以前細個，自己會心裡同自己講:讀好d書，考得好就會有隻大bear bear。每次我都咁哄自己，不過我心裡係知道，即使我考得好，我都唔會有隻大公仔，但畢竟呢個方法o係以前係有效，佢真係可以叫倒我自己好比心機去讀......依家....我只知我最想要既，就係自由同埋瞓覺。
      有時我會諗，自己咁辛苦讀書，搞到自己不似人形，無曬精神，好似好唔值得，再者，我有自知之名，自己既qualification去到邊，我自己都知ga la，依家真係好似陪人跑咁，再者，我真的有諗過唔去考試，因為唔想抬高人地。唉......好down.....好似依家每一日都強迫緊自己做d自己唔想做既野......身不由己....