嘩!!!今日瞓到一點呀!!史上第一次咁遲起身!不過有原因既~六點幾比屋企人起身返工返學嘈醒，之後就瞓唔著，開電腦玩到八點半又瞓過~~~~舒服呀!!不過咁遲起身，D時間唔夠用呀，又要洗衫曬衫，掃地，煮飯比自己食，四點要出門口補習，好趕呀!!
      因為太趕，我都無落樓下買餸。今日補習時間都過得算快，軒軒都算乖，肥仔就一時時。比我估中左，上次寫比佢阿媽張紙，佢毀滅左!!正一衰仔!!
      走果時好鬼大雨，不過我都無搭車，一來八達通無$$，二來自己想慳$$....
      今晚都好早瞓，因為唔想第二日再係咁遲起身。