CANDY生日快樂!!=)

今日同candy,lisa&christine出去睇戲

本身諗住睇康洲刺激d><

點知無位

結果睇左冰河世紀3

之前都唔知係3D

都幾得意

睇之前去左buy輕鬆飲既珍珠奶茶

幾特別同幾好飲

睇完出黎已經係6點幾

搭火車回家

到旺角站第一班車因為太多人

所以迫唔入

見到1個師奶強行迫入車廂

有一班男仔正在佢旁邊

見佢咁迫入黎

佢地好無奈XD好搞笑XD

之後入左車廂無幾奈

有一個非常老的婆婆入左黎

但居然無人讓位比佢囉

呢個咩世界,d人咁冷血既

好心既christine同lisa就叫人起身讓位

結果個女人就好無奈咁讓左位

佢身邊個男人應該係佢老公

佢老公又唔會讓位比佢老婆

都唔方係一個好男人!-3-

因為大學站有人出左事

所以延遲左勁奈

企到好累...><

回到家成8點鐘

晚上同人傾計

都有一段時間

同時令我諗左唔少野

我甚至覺得我做錯左決定

也許只換來失望...

同家人睇花樣

睇左成日- -

冇咩可言

中午去左飲茶

行左一陣街

太累,回家訓左一陣

再出街行

buy左部按摩器

(但唔係按摩椅) - -"

到樓下食晚飯~CANTEEN

但唔好味..而且ok貴呢-3-

下次唔會去果度食XD

出左街

同fd去左KFC食野

碰到d 以前mst既畢業生

之後去進行一個任務

點知做唔成,只怕唔多時間-3-

去圖書館還書再借書

回家不停睇電視XD

又過左一天

關係仍未有改善,唉

點解..

我明白家庭有爭執是好平常既事

但從來源頭只會來自一個人

到底原因係咩

我地真係做錯了嗎?

還是佢喜歡發脾氣..

我好清楚佢好疼我地

但我覺得佢有時真的過火了

而且每次都係我地錯曬

即使有時根本未必是自己既錯

都要我地先同佢道歉

每次都是我地去遷就佢

佢會靜落黎諗下到底自己又有冇做錯咩

我真係唔知

我每次都願意先向佢道歉

係因為我想起佢一向疼我地

而且我明白到發生了事情

不是單向,好有可能是雙向的

啫話我地都可能會有錯

所以我先會先向佢道歉

我知道佢好容易哄,

只要自己先道歉就可以化解問題了

但有時真係過唔到自己

容忍都有限度的

當我地道歉後

佢就會當事情真的算了

咩都唔諗

從來唔會反思

佢從來唔會細心想想我地講既野

佢整天只會歪曲我地講既說話

我地跟本就唔係咁既意思

同佢講,佢又會比藉口自己話自己文化水平低呀唔明白

日日咁多野煩呀,邊有可能去諗你地既說話

昨天買左一bottle既冰糖燕窩水給佢飲

佢飲完就話唔好飲,得咁少燕窩,又唔甜等說話

話我地笨,buy埋d咁既野飲,buy樽燕窩重好

聽完又點會唔嬲wo

好心buy一樽番黎諗住孝敬佢

佢永遠只會糟蹋人地對佢既心意

可惜佢重來唔會覺得自己講錯野

重嬲番我地轉頭,咁合理嗎?!

最近佢好鐘意罵我,

不管是什麼,佢都可以話我一餐

佢成日話我唔做呢樣果樣

日講夜講,其他人都睇唔個眼

都知道其實問題出在佢身上

我從來都冇話過,我一定唔會做

佢只要開一句聲,我又點會唔做wo!

上次佢開口叫我幫佢擦傢俱

我又咪係一口答應佢

我跟本冇推過

佢從來唔會用溫和d語氣去講

永遠都用罵我既方式去講

咩死女包,冇鬼用,正衰女

聽到人地都覺得唔舒服啦

昨晚先好笑,我只不過表達自己唔想再比佢罵,

叫佢試着用另一方式同我講野

唔好下下對我發脾氣

佢一句話,"我唔罵你罵邊個呀,當然罵你啦,你唔敢駁我嘴呀嘛"

我好清楚佢係度指桑罵槐

聽到呢句令我好唔舒服囉

咩我唔敢駁佢嘴,我係因為知道佢一向疼我並且係尊重佢炸

如果係因為呢個原因,隨便就向我發脾氣

我係無法容忍架!!!

我今次唔會屈服

每次都係咁,每次都係我地先屈服

搞到好似成個太后,高高在上咁

永遠有錯都係我地既錯

可惜我自尊心強,

若然佢繼續要用這樣的態度去對待我地

我服從唔到,

每次都把苦水吞落肚,

都係希望能夠息事寧人

屋企和諧相處

我好清楚佢捱左幾多苦,唔希望見到佢唔開心

每一次同佢道歉都可以再次見佢開心番,笑番

即時就覺得即使係佢錯都冇問題

反正大家開心就得

我既心意佢永遠都唔會明白

所以講多無謂

你唔聽,我都唔會講

只向單方面諗

又倔強,每次叫佢發生事情既時候

都向好方面諗,平時人地為你付出幾多又唔諗

一味諗住人地點對你唔住

真係好嬲囉

而家已經係講道理既年代了

不再是後輩必需服從長輩說話!