尋日去左睇天國可人兒(其實英文名比較貼切,Just Like Heaven)，好好睇∼女主角靚，男主角man，有好笑既場面，有感人既場面，ｂｇｍ都好正∼

睇完之後食野，一直都無番屋企，因為無帶鎖匙∼無家可歸。

下午成日對住部電腦，好攰∼食完晚餐(麥記-，-)無耐就訓了∼可惜基地被侵略，醒左一陣，呆左一陣，咬左２舊奇異果，咬左２粒爽浪，去沙發訓∼好耐無做過廳長，期間隱約聽到某某人唱「喜歡你．．．」，唔知系咪發緊夢既關係，好似唱得好過平時好多，可惜唔系唱比我聽∼，∼”，無耐又醒了∼

落街行下，好少自己落街行，氣氛怪怪的，我沿著主明渠行，某ｄ地方多人，某ｄ地方少人，途中見到５隻狗，２隻貓，多個婆婆，ｎ個阿伯，幾對情侶，不少飛車黨，仲有釣魚郎∼但好似我咁年輕又自己一個行既好似得我一個。行到天橋底，好恐怖∼都無計，腳震震咁行∼到左天華個轉角位，都幾恐怖，轉個灣行入天華邨算了∼跟住行去天頌輕鐵站，「嘟」１０：００，出左黎３０分鐘∼到左天恆，再「嘟」１０：０４，輕左咁耐既路，搭車只需３分鐘多ｄ，雖然搭車快∼但成條路線都比較多人，少咁ｄ清靜，少咁ｄ感覺。跟住去左優之甜品食芒果布丁，好味∼用料十足，但系唔夠第一次好食，唔夠[結]，而且隔離少咁個人。跟住就走回去了∼１０：４５到門口，４５分鐘，諗左好多好多野。

今日得到既系，有種想離世出走既念頭，好似戲入面Reese Witherspoon既角色咁，離開而家既一切，有時間再諗番之前既野∼我呢世人都算幾無為，好多野都唔知為乜，學業、生存，唔覺得為自己，唔想家人失望(但不曾盡力)，唔想朋友傷心(有限地)，自己有事自己受，家庭有事我都受，安撫自己的人就是自己。曾經想搵個依靠，「神」，努力投入教會，得到一段清靜，情緒最穩定的時間，結果，又系自己拒絕左呢種心靈享受，我呢種人唔配生存系教會，離開教會都剩番少少向神既心，接著尋求的就是打碎它的東西，成功了，是好是壞．．．

今天很早就醒了∼８時多就回家，貓貓是最好的，回家總是歡迎我，盡管我知道牠其實在等待我倒些貓糧給牠，但起碼有貓糧就唔會拋棄我。尋日講左句野，諗番起覺得幾好笑，唔系我拋棄垃圾，而系垃圾唔要我。