今朝番學系巴士站很少有地見到林家威，跟住比他見到，仲問我搭唔搭的士∼為人踏實的我當然拒絕左∼

番到學校，忙碌的我繼續忙碌。

上堂，第一堂　班主任課真系好無聊．．．第二堂，ＥＰＡ　呢個科目好討厭，但系覺得金Sir好得意 。第三堂　音樂，考試牙！！！呵呵∼不過我早有計劃，１號的我同全班最後的４２號一組，都好難隨機選中我地掛∼點知．．．聽左一連串侮辱耳多的聲音後，臨落堂之前前，叫左我 ．１號牙．．．Miss你好野∼既然你咁想聽我唱歌，咪唱比你聽lo∼我同安定園出左去之後，miss聽到1同42號既組合都笑 ，幽默的我早就預計到。跟住就唱了∼唱What ever will be will be．表現麻麻地啦∼最後一個字先走音，唔知miss有無聽到 ．．．算∼番位，訓左一陣就落堂了∼臨落堂前miss叫左我出去，話我唱得幾好(當時唔系話幾好,只不過謙虛的我記得系幾好)，問我入唔入choir，我聽到之後心里爆笑 ．．．我離開choir都唔夠一個月．．．可能我真系太平凡了∼當我無到，以後都唔玩了，明蝦人 ．玩唔過∼第四堂中史，真系悶爆．．．miss呢排無乜故仔講 ．．．

小息之後中文堂又落MMLC，連續幾堂都去MMLC上∼根本無人聽書，汪費阿sir一番心機，我成堂系度睇書∼睇一本好Happy既書，睇完都會令人好Happy ．．．阿sir派既開懷醫生，真系好正牙∼睇到成日傻笑，勁無柰牙，隔離個陳美琪真系有問題架 ，成日咁笑法，笑到嚇親人架嘛．．．更加無柰地，就系傾計果時無端端：「例如啦，你搞大個女仔個肚」．．． 阿姐．．．我無端端做乜去搞大個女仔個肚牙？我地班大把唔駛搞都大啦∼唉∼一代不如一代∼

lunch．．．好恐怖的午餐 ，劉堅+司徒+中一級的石同學過黎搭木台．．．八個人逼埋一張台，她們三個好似玩我地玩得好過癮 ，但我地就好似身在地獄 ．．．我以超常的速度食完ｄ飯，跟住就同安定園相量點走，就系呢個時候，肥ｃ一個哈超噴左ｄ飯出黎，我同安定園扮避開肥ｃ既攻擊，實際上就借機走人∼ｗａｋａｋａ∼一閃就閃到去老闆果度埋單，就此渡過一大難關。跟住就番學校啦∼突發其想，就去信安買左盒飛行棋，買完就番課室打仗，呵呵∼棋無敵手，我比敵人稍為厲害少少啦∼ 無人夠我鬥，就算對方幾個人都贏唔到我一個∼歡樂既時光過得特別快，又系時候講拜拜，好快又上堂了∼

maths堂異常地眼目訓．．．無計，挨挨挨．．．渡過一堂又一堂，好快就放學。去信安影印左張野就搭巴士走∼系了，我正常番了，終於可以系巴士上「熟」睡∼自然地到天澤會醒番啦(玄機就系勁多人同時落車既連環腳步聲)∼總站落車．．．隔離排前幾個位果個人超靚仔，好似網上某個傳奇靚仔．．．望一望就乖乖地落車回家開電腦睇小新。