大家好呀…歡迎繼續收睇Tracy's Diary。
我係你地既節目主持人，阿詩，
(仲有我呀，我係搭嗲仔，唔係唔係，應該係隱形人。)
由於五一勞動節既關係，呀…隱．形．人先生就
放假去左旅遊。咁襯住而家冇咩野講，
不如你就講下你既旅行趣事呀??(OK!!)
(咁呢4日呢，我呢，就呢，去左呢…)
好囉喎，呢完未呀你???
(OKOK，唔呢啦，咁呢幾日，我就去呢，
搵周公呢…)車，唔同你講。而家我就講下我今日
既放學奇妙旅程。(放學就放學啦，講咩鬼放學奇妙旅程呀。)
廢事理你，咁今日我做左一日獨家村，
放學果陣一個人，(我只想一個人，如傷口…)
唱咩歌呀你，我最唔鍾意就係果個張白痴架啦。
食住支珍寶珠，行下行下，俾我見到呀mr jeff係到等巴士，
我遠睇果陣都唔知佢係邊個，行近D先知佢係乜水。
佢仲同我say hi，是問一個食緊野既女仔，
點同佢say hi喎?我咪笑下就走囉。
行下行下，俾我見到同嘉穎一樣既車，
不過…唔係佢部車。(梗係唔係啦，如果係呀，你晨早係醫院啦!)
係呀係呀，俾佢撞呀，你都痴線架。
一跳就跳到搭MTR果陣啦，
初時都冇乜野架，不過過左一陣就有好笑野啦。
到左太子果陣，有一班人入左黎(佢地係唔識架)
一個類似智障人士既人，又好似唔係，
係mtr到唱D唔知咩文既歌，好鬼似山歌架。
之後到左九龍塘果陣，嘩!耳根清靜，
D人走哂。然後有個阿嬸坐左係我右手邊，
佢仲好笑，我左睇右睇，都唔見到有D咩藍芽，
耳機既物體，果個呀嬸狂係到講:
佢都唔鐘意佢………隻手仲要郁黎郁去。
我諗佢講既頻率應該係30至45秒一次，
(佢應該係果D特約演員，得一句對白。)
maybe啦。
最好笑唔係呢d呀，係果個呀嬸狂講果句對白之際，
有部電話係到響"是你不想我啦…是你不找我啦…"
果個人拎住部電話，扮哂戀愛專家咁樣，
"佢都唔係唔鐘意你。"
嘩，好想笑﹐不過唔笑得。
好啦，今日Tracy's Diary就
同你say goodbye啦，byebye!!!
|
