今日去左機場...

搞左好耐都未走得...

首先就去左popeyes等個經理...

等等下...

家姐番左黎...

之後d人就話我同家姐果d都唔似樣...

不過有個話個鼻似...

再有人話個眼袋似...

哈哈...

可能我成家都唔夠訓啦...

家姐走左之後...

再等多一陣...

個經理終於出現...

佢帶左我去辦公室先...

簽完d野and比左個樽我之後...

就去左驗身...

開頭因為緊張...

所以問定我家姐要做咩...

佢話要驗小便...

我就去左小便落個樽...

點知去到...

原來唔係...

應該大便先岩...

搞到d人要比個另一個既樽我...

好低能又好樣衰呀..!!!

等左一陣...

驗眼先...

我最細果行答唔到佢...

之後佢又問我又冇戴眼鏡...

我話冇...

之後佢又問我幾歲...

我話16..

之後佢竟然問我讀咩科...

我心諗..

我讀咩科做咩要問呀...

一d都唔關事呀...

不過我都有答佢...理科...

佢就好奇怪咁問...

理科畫d 圖咁細你睇到既咩...

我話睇到呀...

到左填表...

我好快就係咁"的"

佢又問我...

你"的"得咁快睇到架拿...

我話睇到....

填完就到度高磅重...

同埋抽血...

好快搞掂又唔痛...

又等多陣...

照x光...

再等...

入去見醫生...

佢睇完我張x光片話正常...

又幫我量血壓...

佢話我都冇問題...

只係偏低左dd...

終於完哂啦...

我就拎番我張x光片走...

最後個護士問我幾時可以比d大便樣本佢...

我話唔知...

之後佢d 語氣唔同左d..

仲講番岩岩我同佢講話唔知果句比第2個聽...

真係無奈呀...

我幾時柯都控制唔到架...

我又係今日去到先知要比呀...

不過我已經搞掂左...

聽日再去多次機場就得...

所以23號就可以番工...

哈哈...

驗完身...

下一站...

整禁區証...

去左交左張表之後...

等叫我名...

點知叫完又要等...

d人放左隻光碟比我睇...

悶到死...

全部都講關於禁區証既野...

仲講左好耐...

原來要等我睇哂佢先會再叫我去影相...

到左影相..

冇端端震左下...

希望影出黎唔會個樣好怪啦...

影完打個電話走得...

去左買杯許留山飲...

之後就番屋企食野...

搞左咁耐太肚餓啦...!!!

到左夜晚睇電視...

王老虎搶親比我想像中唔好睇...

有dd失望...

後加 :

冇端端諗起...

阿瑚問我今日去驗身去成點...

我就講起d大便...

由於我果陣已經柯左...

我講起完...

停左一陣..

我就好開心咁話比d 野佢睇...

媽咪同佢竟然覺得我係比d大便佢睇...

都有問題嫁...!!!

我只不過係想比張x光片佢睇姐...

當年佢去驗身都冇得拎番屋企...

我見幾得意先叫佢睇下姐...

估唔到佢地咁諗我...

不過都唔夠一個人過份...

佢問我放好d大便未...

我話放好...

之後佢竟然話我放左係張床度...

我真係冇咁咩呀...!!!

依家一諗起聽日要帶埋d便便去機場...

就覺得怪怪地咁...

好彩車程唔遠姐...

好想快d番工呀...!!!