嘩原來我一個月冇更新了~(仲好意思講

mina~2013年新年快樂啊!!!!>v<

哎甘又過左一年....呢一年感覺上發生好多事(記得上年都系甘講XD

2012最後一日好平淡地過 2013年第一日都系好平淡地過....

回顧下先...其實2012年系我的人生黎講系發生左好多大事的....

lalala世界末日個屁我現在還活得好好的(挺

有D系根本冇稔過會發生的 比如話老豆阿姨結婚..

然後我發現好多動漫都系睇左一集or幾集or一半就冇睇...

比如薄櫻鬼...只有神知道的世界..吸血鬼騎士..k-on..etc

最開心就系比我接觸到海賊王~唯一有恆心看下去的!!!!!!!

目前開始睇翻之前睇左少少就冇睇的動漫~努力努力....

其實呢一年 硬系覺得自己好似冇乜變過....又好似好多野都變左...(?)

記得2012開頭 我立過志要改變自己..

講樣 從六年級到宜家都仲系一樣 平陰 藍色半框眼鏡 馬尾 傻下傻下既樣

性格 都好似仲系好被動 好細膽 懦弱 怕事 成日都唔記得野 唔敢同人講自己稔法 唯一變就系越黎越鍾意喊

學業 好似越黎越差....

態度 好似越黎越冇心機讀書 變得懶散左...

朋友 成日同最好個朋友(其實有D迷茫系咪真系最好朋友唉)鬧交 開學到宜家一定不下二十次唔係講笑...升到中二同某部分中一朋友的人好似更加friend....

人際 中一黎講 我既存在感系越黎越低的 中二 感覺同學都對我幾好 應該唔會討厭我掛 但總覺得融入唔到佢地 存在感好似都系越黎越低....但係上到中二開始有班裡男女關係的份omg....

家庭 唉變真多 結婚 宜家仲有埋so ha(?)...

其他 7月開始玩翻blog識左好多blog友~^^畫畫的話畫風成日都唔同...雖然唔系話畫得好好但唔多唔少覺得自己進步了...學識製圖...彈結他進步左..之類的....倉鼠....死左好多呢....書櫃既書越來越多了 房好似整齊左 錢洗多左....

唉~點呢點呢 我系咪又要一如既往地立個志..能不能成功就是另一回事了

我的期望是 畫畫 製圖 結他 朋友 性格 學業 好多好多都要做得更好

學識做個好家姐...畢竟遲D除左細路又多個細路或者妹妹了

對家人..朋友更好....

話說回來 屋企淨翻一隻倉鼠呢...靜翻小k

最長命架...陪左我兩年幾了..倉鼠的壽命既話可能今年就會.....唔知呢....到果日先算...

嗯 胡言亂語mode....+_+

今日都系艾斯生日啊~~~艾斯生日快樂!!!!!

好啦~就甘吧 期望今年會比2012更好,更快樂,更充實TvT加油啊TvT

之後 識到大家系好開心的TvT!!!!大家都系~加油過2013!!!!Wishyouallthebest////

-

今個聖誕節其實過得好平淡....唯一開心的系同網友見面了~~第一次啊~開心開心~不過緊張到講唔到野~_~

放完假第一日翻去就考試...呵呵呵老實地說我冇溫過....睇左history頭兩版同中文書其他冇掂過....

說真的 我好擔心自己成績 擔心自己考唔到 比上次差 但系我又冇動力溫書...冇mood...?

呢個假期..有幾日病左 食藥眼訓訓教...其他都系睇漫畫睇小說畫畫彈吉他之類的

啦啦啦後日就翻學了~真是捨不得這個寒假唉~

到左宜家...依然唔想溫書...點解啊點解....真系唔見棺材唔流眼淚 聽日想唔溫書都難......第一日就系世史 keep唔keep到9字頭都成問題....

唔知呢~順其自然好了....yosh加油!!!!!!