|
咁大個女第一次坐飛機， 真有點興奋，嘻！！佢地都笑我大鄉里囉。。。
我地3月6號十一點幾就出珠海先飲茶，同行係傻那,佢的同事May，同May的媽(婆婆)，仲有一個就係志偉了...在關口見面，感覺還不錯，所以我地幾個一陣就熟絡了！我地成團人都只不過得十三人而已！
飲完茶就去找導遊，上車，然後緊接住上機囉。。係天上見到ｄ雲好靚，編織成一個棉花世界，我好喜歡。。坐飛機，感覺和坐車差不多，只是使我感到多了一絲的危險性，因為回程時的氣流令我有小小驚吧！機程只是一小時，很快，大家都很喜歡偉，開始我還怕他會悶呆了呢！一去到桂林，六點幾，就係晚餐時間了，餸菜都係啤酒魚，啤酒雞，啤酒鴨，仲有菜心，豆腐之類的，在桂林期間，日日都不過如是。。。吃完就上房囉，我同傻那同偉一間房，May同婆婆一房，然後我們當晚就去逛了一下街，買吃的，也走走看。。。。。。晚上佢地玩啤牌，但我已經先倒下熟睡了。。。
第二天，七點半就ｍｏｒｎｉｎｇ ｃａｌｌ，八點早餐，八點半起行，每日如是，因為天氣太冷了，我地好多都將帶去咁多日既衫，都着佐係身上，嘻，差不多每日都着咁多衫，外衣也把手袋包在肚子裏，做了好幾天的大肚婆！呢朝就去遊漓江，睇象鼻山，雖然冷，但係我地都照樣影，照樣玩，相當開心。。。呢日係影佐最多相的一天，因為係遊艇上的風景真係勁靚，然後直踩陽塑，去佐蝴碟泉，小數民族部落村，傻那最受野人的歡迎了，哈。。。呢晚就食佐街頭大排檔，買佐ｄ手信，住係陽塑。
接住的一天就去佐銀子岩，好宏偉，好大好大的岩洞，可是裏面太大太高了，開了閃光燈還是看不清楚，所以我們都小影了，去品嘗農家飯，然後去佐世外桃源，係度我地整團人一起來了張大合照，晚上跟肥佬夫婦去佐日月灣看日月塔。。。然後發現了一條步行街，好多野睇，但婆婆竟然凍，ＭＡＹ只好同佢先反酒店了，我地三個繼續，太累，在一間浪漫咖啡室歇佐一陣，最後買埋Ｄ特產反去賞試，包括出名既三花酒，我地三個飲佐一支，雖然我只喝了一杯多一點，卻感到有小小醉意，呵！！我仲影埋我地既醉樣添，竟然發覺偉張相有點像欣榮，嘻！都係靚仔掛。。。
第四日就去佐靖江王府，傻那同偉被我們逼着在夫妻樹下合影了，嘻！跟住係度既設字號考埋科舉，哈，佢地兩個中埋狀元，正，佢地一齊中！好羨慕哦。。。不過佢地做佐狀元爺要請食飯，先記住囉！跟住就去爬桂林第一高峰－－－獨秀峰ｌａ，這次婆婆不敢爬了，因為尋日爬銀子岩也累呆了，很陡，上也累，下也怕！！然後去了一些景點，在那個湖邊，因為角度問題，被ｍａｙ影了我同偉的拖手仔照，好玩而已。。。最後我地又去逛街了，這次也買了挺多的，我們也多多少少懂了一些講價之道！因為都被騙過了，嘻。。。
眨眼就到了最後一天，本來是自由行的，但導遊幫我們安排好了去古東瀑布，有兩個團友也先飛了，仲有肥佬夫婦也不跟了。。我地幾個都堅持今天要穿小一點衣服，嘻！個個都好貪靚。。呢日也玩得相當不錯，雖然也是爬山，遊爬艇時我們團同＠對唱山歌贏得了花球哦！係山上我同偉都試佐溜索，被拍照了，拍得我不太好看，卻被偉偷偷買了下來，最後傻那要了，回程時本來是一起坐馬車出來的，但我卻要加錢坐白馬，呵呵，只有一匹，傻那沒得争囉，騎我的白馬王子先走囉。。在回去酒店接肥佬夫婦路上，我地去佐採草莓，好大顆哦，好甜，自己摘的吧！晚上我們這剩下的九個一起吃了飯，呢一餐係在桂林最豐盛的一餐。。。
係桂林機場同肥佬兩個坐埋一齊,佢買佐隻很小的熊仔俾佢老婆，80大元，嘻！又被騙囉，但他用英文說着她喜歡囉！好羨慕哦，因為睇得出肥佬好錫佢老婆仔哦。。。係呢個旅程中，肥佬雖然唔識講中文，但卻被我地帶來唔小的樂趣。。。另外先飛的兩公婆，桂林首餐與我同坐，佢地已經係第三站了，之前去了海南島，湛江，現在桂林，佢地亦早飛去了天津，兩夫妻遊中國，好幸褔！還有最後一齊食飯的另外四個團友，都是家族中人，感覺上都是有學識之人吧，因為他們同肥佬對答如流，聽說那女的日文都唔錯咧，厲害！佢地話得閒會來澳門金莎永利看一下我們的！嘻。。
回程了，有點依依不捨，突然覺得五天過得好快哦，在那裏有點忘了澳門的一切，但尋晚一反到珠海，所有都反反來了，因為趕不及過關，只好在珠海揼骨過夜了，第二朝ｍａｙ的老公一齊來褔海飲埋茶先一齊過關反來，反到來，把興奮的都跟家人分享着，然後睡到了下午六點多才起床！
| 
