评论(0)发表时间：2007年3月19日 7时37分

 去到永利，真係好唔中意個編更部，因為佢編既更不知所謂，又遲出更表，好多野都隔硬來，就係上次打俾我話要反早直踩，同佢吵佐大半個中，因為佢仲叫我自己搵人調更，或者叫我追更再追更，戈件事我已經好好好憎佢了，其實佢只係需要調反我反既更就ＯＫ了，點解要搞咁多野呢？佢地真係得閒得滯！唉，或者咁樣就同個編更部結下更大仇口掛！

　我唔中意反夜，好難得有個ＦＤ又唔中意反早，於是同佢調更，理由作回鄉拜山（其實大家同意，很多公司調更根本無需理由），尋晚ＳＭ都幫我簽佐名，去到編更部，佢問我鄉下係邊，跟住同我講話要補反張車飛，暈。。。就係呢件事，我好唔開心，有點激氣，反完夜放假反早，咁少時間仲要出大陸買張車飛！唉，好愁。。。不過當時無諗過佢會咁問我，唉！其實當時佢一問我時我已經腦袋一片空白了，只好填佐個中山俾佢，其實自己真有點蠢，阿儀同我講，寫拜山就得了，嗚。。。
　　
　今朝放工落雨，有點冷。。。