今日瞓到成兩點先起身，老豆打佐兩次電話叫我起身去睇樓都無去！！
一起身，就打俾黨，因為佢之前叫佐我幾次去行街都去唔倒，
佢仲放年假，所以想約反佢，點知佢約佐人ｌｕ，算啦，
順便同佢傾下計，好耐無同佢傾了，曾幾何時，我地ｆｄ到兩姐妹咁，
好耐無見，一傾依然都係好姐妹，咩都可以講得，
其實平時都想搵下佢的，只係又唔知佢反咩更，怕吵到佢。。
食完飯，約佐靜下午去行街的，睇埋《十分。愛》先，好好睇丫，
有幾幕睇到好感動！！戲中既ｓｔｅｐｈｙ好靚女，好羨慕，
突然間好想打扮下，本來換好Ｔ恤牛仔褲去行街的，我都改佐着條未着過既連衣裙，嘻！！
去到見到靜都扮到靚靚女，不過佢本身都係靚靚女。。
行到成十點幾先反，好夜了，約佐儀玩勁舞，佢反３４，
時間啱啱好，沖完涼就玩，佢９級了，勁過我好多，
我啱啱都升上佐５級了，嘻∼∼得閒我要練下先得囉！！
