我今日去左麻麻屋企，本來可以坐我爸爸車去，佢又話唔夠位，要我同我家姐撘車去喎！返到去都冇野呀！做左一陣功課，玩左一陣搖搖，又跳左一陣繩，又食下野，但係D功課都係做唔完！咁就留返星期一做啦！因為星期一老師發瘋日呀又！過左幾個鐘頭之後，我聽到我呀爸呀媽又鬧交喎！佢地鬧交我最驚嫁啦，原來呀媽想去上水打雀！我呀麻屋企雖然有得打，但係冇曬腳，搞到我呀媽冇得打囉！姑媽都叫左佢地早D，但係佢地又唔早喎！咁就咁囉！我呀爸就叫我呀媽唔好去上水啦，但係我呀媽又話冇野做，唔過去唔通係到發毛咩！個個都有野玩，得我呀媽冇野玩，我呀爸雖然冇打雀，但係佢有馬仔睇！咁我呀媽咪嘈囉！但係最後佢咪又係有得打，佢中嚴打得小，到依家中嬲緊我呀爸！