我今日唔係好想去教堂，所以冇去．大約１１點幾，徐韻瑤打電話比我，話要我幫佢列印野，因為佢屋企冇列印機，佢話印完就會即走，我雖然心裡面覺得佢根本冇諗過同我玩，但都冇所謂啦．佢之後不停推遲時間，原本話２點幾，之後又話５點幾先黎，到6點鐘嘅時候,佢打黎話太夜唔去我屋企,我當時勁嬲,不過我呀爸喺我隔離,所以冇發嬲,我真係好嬲囉,我等咗佢成日,佢竟然話唔黎

今日一早就起身,去賣旗。賣旗嗰陣,好多人唔肯賣旗(雖然我都奈佢地唔何),講到口都乾,我已經係第3次賣旗,但今次係最攰嘅一次。

下晝去咗教堂同d公公婆婆玩,都算係做義工 ,因為嗰時要唱歌,亦有人彈結他,我唔小心整跌咗個結他,勁驚個結他壞咗,仲比人串添,幸好個結他冇乜大礙。5:30嘅時候就喺教堂進行泰澤共融晚禱祟拜,超眼瞓,不過又唔可以瞓覺,幸好有靜黙時間,可以乘機瞓覺 。