今日星期一,返9點30數學堂,所以早左起身返去聽下書!!

返到去得好少人返,可能就來放假冇人返!!

上到11點30,就去上IA啦!!

點知上左30分鐘到,呀SIR同我地講,今日走火警,12點會響火警鐘,所以跟住唔洗上E堂!!

火警鐘響啦!!!全校去哂禮堂,企左陣,點都冇點名,就放人啦!!

因為早左放,搞到有成3個幾鐘食飯(本來都有2個鐘假啦),所以我地成班去左葵芳廣場掃野食啦!!

去到買左牛雜同燒賣食!!!食完之後,去左買左個雪糕班戟食!!好好食呀,好耐冇食過啦,不過好鬼貴....

食完之後,去左新都會行下,跟住去左附近遊樂場玩!!!

係遊樂場玩左好耐呀!!玩得最耐係個"乙水""乙水"轉!!我同呀恩,YOYO轉左好耐呀!!妙麗,榮恩同呀達就轉左我地好耐!!

玩就走人啦,但係發覺真係轉得太多,好想嘔....好才提我去買話梅食,先好返D!!

返到學校,上PROJECT WORKS堂!!

成堂都唔知佢教緊咩....遊雲多.......

上到5點30,就放學啦!!

妙麗返工走先,呀達同榮恩約左人又走先!!我就同YVONNE佢地返屋企啦!!

(e幾排好凍呀...大家要小心身子呀..因為就來新年要食好多野假,病左就冇得食假啦!!)

(E年新年都收獲好好呀!呀媽俾左錢買左好多衫呀!不過今年買唔切大褸呀,下年先買啦!)