今日係返暑假英文班既第一日~~

要返9:00呀..好早...琴晚3點先訓......好眼訓..

入到課室,填左d野,就開始教書啦!!!

今日教既野,我地幾個都唔洗聽,因為合格左!!!

不過就悶到我地爆炸啦....好難頂呀....

water係到聽歌,維維係到訓教(不果佢轉來轉去,話失眠..),馬份要聽書

得返我同yoyo係到無無聊聊,係到畫下畫,猛笑對面條野件衫!!!

yoyo又講左d香港先生既趣事我聽,笑到我肚痛呀!!!

笑笑下,我地2個就訓著左....

訓到12點幾,呆多陣,去聽埋個講座就食飯啦!!!!yvonne同榮恩都來食飯!!!!

食到2點,又要返上去啦!!!

今次我地買左本雜誌睇,睇左好耐,睇到3點幾!!!跟住我地係到講下自己中學既趣事!!唔經唔覺又到5點放學啦!!~!

之後搵埋yvonne同榮恩就一齊放學啦!!!

最後我就同維維搭巴士走啦!!!

係巴士到訓死左....

琴晚先同維維,榮恩去左李鄭屋游水!!!

今日榮恩打來,話佢同呀達,仲有2個朋友來將軍澳游水!!

我就緊係要出埋啦!!!

玩左個滑梯,好快呀!!以前玩都冇咁快假!!!!

我終於開始用到正宗既娃式游到啦!!!不過體力仲係唔係好夠!!!

游到5點幾,就去沖涼啦!!!沖完6點,跟住去新都城食kfc!!!

之後呀達要買鞋,周圍行左陣,行到7點幾就返屋企啦!!

今日2點幾

約左維維出旺角行街買衫!!!

去左潮特睇有冇佢件衫!!點知冇左...就連我條褲都冇呀....

跟住我轉戰去尖咀!!!不過都係冇佢件衫同埋我條褲!!!

之後我地去左美麗華,新港行街睇下衫!!!

去到chocoolate睇衫!!我同維維都睇中左條裇衫!!

不過冇買到,我地去左許留山飲左!!

飲完之後,維維返返去chocoolate買衫!!!

我就等下星期有錢先啦!!!!

chocoolate儲分基金e間我地有31蚊啦!!本來有40蚊,維維用左9蚊....

去chocoolate買衫記住叫我呀!!!

買完之後,差唔多7點,就返屋企啦!!!

23號:

終於到左今日啦!!係去CAMP既大日子呀!!參加既人有,我啦,維維,榮恩,呀達,YVONNE,呀恩,YOYO,WATER,妙麗,肥佬,波特,肥牛同靚女!!

一早起身,不過訓遲左少少,搵埋妙麗就出發去搭地鐵啦!!!

去左香港站,全部人都到齊,遲左少少!!都算係咁啦!!!去到碼頭搵埋維維,波特同肥特再等多陣,就搭船去長洲啦!!!

成程都坐左係出面睇風景!!好舒服呀!!!終於到左長洲啦!!點知如來2點先攞屋!!

我地去左M記坐左陣,我就同維維,呀達,榮恩去左附近買野!!!買完之後,D女仔又話買野,又行多次!!自己買左件背心!!

跟住去左租左兩部貨車!!周圍踩呀踩呀!!!又超載載人!!好好玩!!

終於攞到屋啦!!係屋到放低D野,我地就沖左去沙灘玩呀!!!玩下水,堆下沙!!我地堆左維維入沙!!哈哈!!玩到5點幾,就返屋啦!!

排隊沖涼,自己猜輸左,最後個個....係屋企坐,又出左去踩多次單車!!終於到我沖啦!!

沖完涼,有得食飯!!今餐係又肥牛同三個女仔煮!!都算係咁!!!

食完之後,自己猜輸左,同YOYO一齊洗碗!!我地洗到好嘈,呀恩係到猛罵我地,好搞笑!!佢地個個出哂去玩,我地E D洗碗既,洗完之後先有得出去玩!!到左9點30,個個排排睇法證先鋒!!

夜晚冇咩訓過,係到傾計多,搞GAG多!!仲有講鬼故呀!!講到5點幾,個個先開始訓!!

24號:

訓到唔舒服,訓到9點幾起左身!!!跟住發生左D唔開心既事....搞左一輪,有人歡喜有人愁!!唔好唔開心啦!!

之後去左沙灘玩,但係有好多垃圾,坐左係一旁!!好悶呀..我同榮恩返左屋先!!之後我同榮恩,YOYO,YVONNE,妙麗,靚女去左租單車踩!!

踩完返來,開始準備BBQ啦!!打風呀~~我地一路打風一路燒!!不過本身唔鐘意BBQ,都係燒俾維維食多!!最後我地發明左燒香蕉!!好好食呀!!

燒到9點30,又睇法證先鋒!!!維維沖涼個陣,我同肥牛去左爆門!!!哈哈!!YOYO仲仆街!!笑到我死呀!!!

睇完之後,到左夜晚探險記!!!我同波特,肥佬一隊,係最後落山個隊!!!

探完之後,返左屋企沖涼呀!!!之後肥牛,維維,呀達,榮恩,WATER,YVONNE同我買左啤酒玩左個遊戲,要狂飲啤酒!!我都飲左幾碗!!!

第一次飲到暈暈地,好搞笑呀!!維維,呀達,WATER飲到紅哂!!YVONNE仲醉左咁!!笑到我同YOYO死!!

之後係到玩7級珠!!意為自己輸緊,點知係一直睇少我既維維輸左!!哈哈!!仲俾我地係個肚畫公仔!!嘿嘿!!

跟住再玩蒙羅麗沙芭蕉樹!!考反應,輸哂.....又俾人畫公仔...俾維維報哂仇!!

又玩到5點幾,訓覺啦!!!

25號:

琴晚訓得好唔舒服....維維紮住我...又勁迫....又冇被...訓左一陣,自己有左出廳訓~如來呀恩都係廳訓緊~~

10點幾起身,呀達如來都係我旁邊同我一齊訓緊~~

天公不做美!!8號風球!!!!我地起哂身,打理下自己既行李!!等到1點幾交屋,3號風球,就搭船返香港先啦!!!返到香港搭地鐵去東涌!!!肥牛中途落車,走人!!88!!!

去到東涌,我地分左2隊人!!一隊去買野,一隊就貝澳先!!!我就同維維,yvonne,yoyo,water,靚女去貝澳先!!!

我攞住其他人既行李,好重呀!!!落左巴士後,落超大雨!!!又重,又大雨,又凍...好辛苦!!

行左一輪之後,終於到左間屋啦!!坐左一陣,睇左陣碟,我同維維出左去接其他過來!!!

d女仔開始煮飯啦!!!等呀...等呀....終於有得食!!!都算係咁啦...不過d飯好硬!!

夜晚玩Q拿同芭蕉樹!!!又係輸左...連續2次!!!玩到4點幾,眼訓訓覺啦!!!

26號:

1點幾起身,跟住就又好好味既通粉食呀!!!食完之後,我就跟其他人出左去入貨!!仲去麻M記食野!!!

買完返左去,狂打麻雀!!!!打到8點幾,維維同榮恩煮飯食!!!我就去幫下手~~呀恩後尾都來埋一齊煮!!!!

蝦醬豆卜娃娃菜 +紅衫魚 +檸檬honey雞柳+火腿炒蛋!!!好食!!!

夜晚我地男仔玩人疊人~~後尾呀恩同YOYO+入埋來!!!

跟住又玩Q拿!!!玩都好夜呀~~~夜晚呀恩肚痛..,好痛呀!!!到左5點幾,我地CALL左白車!!YVONNE就呀恩去啦!!!

有D人就訓!!!妙麗個D就傾計...傾傾下我忍唔住...訓著左....都唔知自己訓左係邊到!!第二日聽YVONNE講如來我被維維埋左係一角,訓左係佢"加拿大"下面.....

27號:

第二日,陽光返來啦!!!我地即克去左沙灘玩!!!

D黑沙好滑好靚呀!!!!D浪又大!!好過長洲個個多多聲!!!

遊到好凍之後,就返左屋啦!!!跟住又打麻雀!!!今晚包壽司食!!!好好食呀!!!食完之後,同維維,呀達,榮恩,妙麗,肥佬出左去打波!!!

打到10點幾,就走人啦!!!返到屋企,沖完涼又開枱啦!!!打到3點幾,煮宵夜!!紫菜通粉食!!勁好食!!!

跟住訓覺啦!!不過今晚係最後一晚~~~我,維維,榮恩,YOYO,YVONNE,WATER係廳一路訓一路傾心事!!!傾下對今年對其他人既感覺~~~好感動呀!!!傾到6點幾就訓左啦!!

28號:

10點起左身,清理下自己行李!!!交低一百蚊,就走人啦!!!

2點幾返到東涌,去左食KFC!!!

食完之後,一半人搭地鐵一半人搭巴士!!!再見啦~~我愛你地呀!!!

返到寶林超大雨,我同妙麗沖返屋企!!!

返到屋企沖涼睇電視!!!

**對左成個星期,返到屋企,冇左你地把聲好似唔係好慣咁!!哈哈!!不過今次真係好好玩呀!!希望第日時仲會有啦!!!

今日2點幾

又約左榮恩同維維出來旺角行街!!!

同榮恩換完百佳現金卷後,周圍行呀!!!百佳同惠康都行埋!!

行到3點幾,打俾yvonne佢地!!之後就過左又一城搵yvonne同water!!

係又一城周圍行下!!

俾我買左件衫呀!!一百蚊都唔洗好平呀!!!好鐘意!!

跟住去左超級百佳行!!買左d野食!!

好好食!!係鄉客既茶果呀!!

行到5點幾就散人啦!!

之後自己去左東港城行下睇有冇條褲!!!

點知都係冇..係葵芳先有!!

再行左陣,見到方力申呀!!好近咁見到!!!

之後返左寶林,再自己行買下去camp d野!!

行到7點幾就返屋企啦!!

**聽日去camp啦!!係ive生活最後一個回憶!!今晚要執好多野..好煩呀!!我好似又患左旅行前既抑鬱病....

好啦!!星期6晚見!!!