今日要中文口試,好緊張!!!!!!

要去邱子文考,雖然係寶林姐,但係鬼咁遠,行左幾耐!!去到入左報到室,先知冇攞身份證,死緊,我即克沖返去屋企攞,叫家姐攞來,再沖返去邱子文!!沖到我身水身汗,但係都係遲到....

返到去,個校工話5點先考,我都安心d,就坐左係小息部等,但係坐坐下發覺唔對路,上返去報到室,原來要報到先!!本來冇得考,好才個考官俾返我考!!

等到5點幾,開始考!!嘩!!篇朗讀好難讀,讀到我口啞啞.......考完之後,再考小組討論!!唉..唔好提..低b條友猛係到講,插到插唔入,我仲要俾3個人圍攻,有條友企係我個邊又唔講野,搞到我都唔知有咩講,頂!!跟住個3條友又猛反對我,話我離題,佢自己夠離哂題啦,講野有冇建設性,都唔知佢講咩....

就係咁..我死頂左20分鐘...就係咁完左.....出到去真係想打爆個3條友!!!!!

仲有就係我辛苦攞返來既身份證,就係睇都冇睇過.........真係黑仔....

今日同小白,小朱,火山龍,豐豐去左赤柱行街!!!!!

未去過赤柱,都好期待!!係巴士望出去好靚!!!去到差唔多全部都係鬼佬,幾驚佢地會問路!!

今日玩得好開心.......嘿嘿......

點知下大雨,我地周圍避!!走前,好開心,見到張繼聰同謝安琪拖住手行街!!好開心,第一次好近咁見到佢地,張繼聰仲望住我地,可能我地認得佢地,因為個到得鬼佬多!!

返到寶林,柯華,大佬源同鑽石來左,我地買左個旦糕送俾小白!!個旦糕好好食!!!

跟住去左扒王之王食野,個到d野好好食,但係個侍應好煩,猛係到講野,口花花,真係食到好不安!!

食完之後,終於有得睇我好想睇既蜘蛛俠啦!!果然冇錯,實在太好睇啦,都幾搞笑,仲好感動,d特技超勁,由其係4角大戰,真係超勁!!!

好痕!!好痕!!!

成塊臉生左好多粒粒!!!好痕!!!

大熱天時,先生埋d咁既野!!好辛苦!

又熱!!!又痕!!!!

HELP!!!!!!

今日係MOTHER節!!!祝天下所有的MOTHER MOTHER節快樂!!!

雖然係咁,但係今日都係咁過,無無聊聊咁過!因為正如我阿媽講,無錢就唔係MOTHER節啦!

好悶!!好悶!!日日都係好無聊咁過!!

就來悶到作嘔!!因為要係屋企等面試........

幾時面試,好想有野做!!!

悶死人啦!!!!

5月8日~~~今日係最後一日~~考中屎!!但係完全冇時間可以溫,希望得啦!!!今日係返自己學校考,感覺都好d!!要考啦,第一時間望下份卷,下.......到唔知佢講咩.........

唯有做左最容易個題先!!其他就.....唉...盡答啦......2個鐘猛咁寫字,寫到隻手震哂....點知收卷個陣,裹面有幾頁冇寫題號,死緊!!叫個個黃sir俾我寫返,佢個仆街,唔俾我寫,正一食屎狗!!!!

唉.......最有信心既中屎都考成咁....唔點呢....攞到E好開心啦...算啦,都最後一科啦,唔諗啦!!

(嘩!!!終於考完啦,雖然仲有小組討論!!!E2個星期真係好辛苦!!過左啦過左啦!!不過開始感到前路迷茫茫,要投身社會啦!!家姐介紹左份工俾我,唔知幾時面試呢??好緊張!!)

結束了14年的讀書路了,我要為我新既人生+油!!!!