今朝食左d野就出左去啦，陪欣電負離子，

佢又係去我之前電果間，但係我覺得d髮型師求其左，

好快就幫佢電完，仲要唔係好直。

但係電左之後真係靚左既，之後珍婆黎左，

去左吉之島食野，好味道呀^^"

食完周圍行，欣走先，同珍婆繼續行。

行行下我地買左d野玩^^"kaka......我淆底呀.....

不過睇見珍婆玩得好正=0=

之後同珍婆分手，諗住同媽咪去買書，

點知無買到，去左食野。

食完又去補習lu.....

今堂有新同學呀！.....哈哈.....就係鄧小姐啦=.=(無聊)

之後又比人暗串同中傷我呀  哈哈......我要打爆一個叫GoBi既人呀=0=

今日又遲放啦，補完陪鄧小姐買野食。

之後去左惠康搵媽咪^^跟住返歸啦......

哈哈........係msn度同阿yan好好傾呀，傾左好耐啦^^"

今朝又去左補習，今次補世史呀！

嗯嗯......我報世史係明智既選擇^^"

因為miss wan 都無教過d答題技巧，

原來平時咁答會考係會唔合格嫁=.=但係miss wan就比到咁高分。

唉.........無話可說。上miss wan堂係=無上過嫁=0=

之後去左圖書館借書..........

借完返屋企食飯，食完又同珍婆出左去行街街lu^^

嗯嗯.....自從上次果單野之後，好耐都未試過同佢咁開心啦^^"

希望keep住啦 。之後返屋企換衫出去。

SoRRy 倩婷 ，你打黎打得太突然啦！哈哈，賴得就賴啦我^^

今堂上得好開心呀，女子組對男子組按力賽，

kaka更係女子組贏啦^^....之後發生左件瘀野=.=

唔知阿sir睇唔睇到呀，唉.....真係唔該晒倩婷幫我整呀。

跟住又趕返學校補習，珍婆黎接我.....kaka......

初頭好興啵，無啦啦比人罵，但係又唔知佢係咪罵緊我wor.....

算....下次遲倒咪唔返lor...大佬，你估我想遲倒嫁咩？

我都己經趕返黎啦，仲想我點我。真係勁火wor.....

補完落到地下見到d野.....唉......意料之外............

之後返歸lu.....

今朝又係中史補課呀=.=

唉.....又係係到狂做論述題果D 。

之後做到12點3就走左啦，因為要補Maths呀！

約左婷係柏麗等.........好無奈又好好笑wor.....

個阿sir成日係到問我問題，問到我口啞啞呀=.=

仲無啦啦話我係到"kai 笑"。又幾kid呀？哈哈^^"

我諗都學到野既，至少唔悶啦，我咁咪有心聽lor

補完見到珍婆，佢又係補呢個阿sir呀！

補完之後拿拿聲同婷去食野，因為又要趕第二場補習呀=.=

3點1又補英文啦，今日幾精神丫，所以好比心機聽呀！

今日我終於明佢講乜啦=0=

補完同媽咪去行街街，行行下買左對鞋呀.....

哈哈........多謝媽咪呀^^"

買完返歸lu........支力 爆呀.....

聽日唔洗補課啦，但係要補習呀=.=

今日同Gobi 一齊返學^^"，我遲左兩分鐘咋，有進步呀

返到去勁熱呀，部冷氣機都唔涼既。

狂做論述題，悶爆呀！

唉..........真係唔想江sir教呀！好想小方教

我諗應該教得好好多。

哈哈..........之後我地係到講鬼故。

講講下無啦啦有「拍」一聲，嚇死我呀

我同GoBI 叫得最大聲呀=.=

補完課陪GoBi 買野食，佢買左好多野呀，食肥佢呀^^"

之後歸家lu......返左屋企之後又訓覺lu。

7點幾同珍婆去左補習。

真係教得唔錯呀！我d英文希望有進步啦！

今日本來唔返補課嫁，但係因為大曾話今日會派暑期功課，

所以就返左=.=，但係點知佢坤人既，

一張都無派過呀=0=好賤。

返到去完全無聽佢講書，係到玩部首既Game=0=

無聊都要玩嫁啦，都好過訓覺比人罵啦。

大曾好白痴呀=.= 佢將「 Canon 」 釋左「 錦 囊 」

笑到我趴左係到，好瘀呀佢^^"

唉.........仲諗住今日係最後一日Econ補課，點知要加多一日=.=

一放學即刻返屋企，換完衫就同珍婆出去lu。

我地今日去書展呀！勁多人。

收獲唔多豐富呀，因為bring唔夠$$$$$呀！

結果買左兩本地理練習，兩本甜品書。

不過真係好扺呀^^"

差唔多走果陣見到江sir呀，但係就同MeKO、賢佢地無緣啦=.=

之後6點鐘走人LU......搭地鐵去荃灣食飯。

好大碗呀，勁飽呀><之後返學校補習。

好恐怖，唔知係咪因為同珍婆係車到係咁講"鬼".....

加上我地又遲倒，又無校工WOR......勁靜勁黑.....

之後珍婆無啦啦話有陣風，叫我行快D.....

真係嚇到我標尿，好似真係有野咁....

珍婆嚇到隻手都凍晒，補完習果陣仲勁凍><

又係秦秦教呀，我諗佢可以迫到我地肯學英文....都好既^^

之後媽媽係樓下接我，因為我驚驚呀.........