朝早起身突然覺得有ｄ軟、加埋狂咳‘知唔係好對路，呀媽又唔係屋企，要自己搞掂，探熱喇，哇！發左個唔係好高既燒，95度倒喎，好騎呢...唔想落去睇醫生，食葯算LU~訓左一陣，上網睇《十分•愛》，OK寫意...哇哈哈哈！！
　　　到左大約11：30度，我已經好番D LU~我就話想返學，上埋個三堂佢，有電腦堂，呢個有D「K」！(呀．．呀．．．呀．．．．)，咁就係放LUNCH個陣去搵徐邦佢地，順便食埋晏...一舉兩得。聰明！嘻................呵呵~
　　　食完返到班房，個個都嚇襯咁，問我幾時返~我心諗：「你幾時見到我，我幾時返囉...死蠢！問咁多廢話做咩呀！宜家未死得咪得囉！」，不過我答D人話未死得咪得囉！應該都夠寸咀喇掛...　　返左個三個鐘度，少喇，未試過，不過間唔中試下就好喇。

如果大家又留意第883期既《YES!》既話，可以睇睇第124頁既野，超好笑！
講D俾大家聽。

-「停車熄匙，葉劉淑儀」解:葉劉淑儀會停車熄匙，夠環保。

-「有志者，鄧竟成」解:原意指有志者可以成為警隊一哥鄧竟成；
　　　　　　　　　　   宜家指鄧竟成有志緝拿淫照真兇，而真係實現承諾。

-「三個臭皮匠，勝過一個甘國亮」解:三個臭皮匠既智慧較甘國亮多。

     　成個假期都無打過BLOG，因為無咩野打同埋溫書已經溫到我.....死咁擠！狂背書，癡線架！補習個條茂利，話我記憶力好，就狂叫我.....丁頁.
　　我知好多學校都開左學好耐，係得我地伍華唔知做咩，咁晏先開...又係一個有問題既學校，今日地理，個「飛機陳」又走音，每堂見襯佢都總有幾次係走音...睇睇醫生喇！！普通話堂，個「連頭」叫我地讀課文，讀極都話唔得，要讀過，都唔知讀左幾多次，曉背喇。又係一個好有問題既人.....
　　體育堂先慘呀！！又SET UP,掌上壓同九分鐘跑，又係攞命既野....唉∼∼∼∼∼∼∼∼∼∼∼∼∼∼∼跑完之後個一瞬間，我諗我地每個人都會見到一條隧道，其他人我唔知，我剩係知道我見到一條通往地獄既隧道姐.....

　　　　　　　　　　　                       - EnD  -

 　    　今日係拍照日，我影左兩次喇，分別係班相同輔導組(我唔需要輔導，我係輔導助理)。食晏個陣，唔想再去食冷麵，但係點知行行下又去左食(超無奈...)，今次唔食冷麵，食米粉，唔錯，幾好食，而且食到有聲。哇哈哈哈！之後同肥鑑講火影，講講下，原來有個網叫做「動漫之家」既網，可以睇漆畫，超正......
       聽日繼續都係影相日，不過返半日，超正，又去肥鑑度，肥鑑！我來也！！！

 　    　今日頂佢個肺呀！落雨，仲有落足成日囉~癡線架！仆佢個街！成日係度屙尿！！我又無遮，係咁淋雨，不過唔知點解，ｄ雨淋落黎，我係得ｄｄ濕啫喎，好似無雨落係我身到，超k喎。食晏成班友去食暖麵，呀姐大贈送，送多幾株麵。跟完，ｄ人又跟我一樣狂買朱古力食，是但佢地，不過我真係勁鍾意朱古力。之後去左米奇夾糖，一夾就夾左成18.6喇。$$
　　    放左學，去左肥鑑屋企，玩wii，玩火影，哇∼玩到我....成身汗，狂挫，狂係度練寫輪眼、千鳥同九尾囉，挫到我掙ｄ無命呀！！And then,挫到悶，仲低低B咁玩忍者龜囉。頂佢個肺......走個陣，無遮，剩係得KOBE有，於是就三人行(加埋徐邦...)去到巴士站，岩岩好有架3P，衝去上車，落車，又要淋雨...唉...........
           今日本來要留堂，但係老師要開會傾黎緊30、31號既聯校運動會。所以唔使留。嘻嘻.....^^

    　　琴日係運動會翌日，同樂樂、徐邦、肥鑑、KOBE、梅姐去左HOLLYWOOD睇戲，係《愛鬥大》。前一日已經去左買飛，佢地話驚無位，根本就係杞人憂天，因為都無咩學校放假，12:00入場，套野超好笑，套戲有一pair講佢地係個墳場到拍，拍得好真，加埋佢地見鬼既經過，你個刻真係以為自己睇錯戲，因為個導演係七條，拍鬼片超勁。睇到我地都有Ｄ怯怯地。之後，去左肥鑑度，樂樂用左$2500買左部PSP，梗係第一時間借黎玩喇，跟住同肥鑑、KOBE連機玩Monter Hurter，勁砌囉。
　　　今日返學LU~頂！唔想返學...音樂堂吹笛，勁難，一次過吹「CANON IN D」
「給愛麗斯」&「天空之城」，哇∼！係得「天空之城」係OK吹得掂。其他，快到死咁。無LU~呀！食晏個陣，去左百景好，分開兩張檯坐，勁係度玩偷拍，我就玩埋自拍添....哈哈！！