今日係父親節，

不過我竟然做左一件都幾不孝既事．．．

冇陪佢過父親節．．．．

去左自修室，

不過好似都唔係話溫得極好．．．．．

不過就點都好過琴日．．．

唉．．．

竟然溫3個鐘，訓2個鐘．．．

琴日真係好過份，

so今日就同左panda去自修室，

佢地一隻二隻個個都唔陪我，

好過份呀．．．

都係panda最有人性，

最好人．．．

哈哈．．．

等車個時呀，

冇啦啦個司機唔開車喎，

幾過份呀!

等左成15分鐘，

之後搭車個時，

勁搞笑呀!見度一家人，

個個都係唔同既站度落車，

其實講真，都唔知點解個時會覺得好笑，

諗諗下都覺得好似係自己有問題．．．=o=

一落車就見度panda，

佢個樣好似好無奈咁，

我問佢係咪等左好耐，

佢又話唔係=o=

去到圖書館門口，

好多人係度排隊( 特別係d「長者」=o=)

之後入左，

原來南葵涌同北葵涌差唔多既．．．

放低d野之後就同左panda去隔離借書，

成功咁借左幾本書，

之後番番過去，就開始溫書，

個度都幾恐怖，間中有人係度check人，

仲要睇住有人個bag比人拎走左．．．= ="

有人訓緊仲會比佢拍醒．．．

連青衣都唔會咁．．．= ="

我地係度講野，

又再次比人罵．．．

個個女仔既樣有9成似個個prefect，

把聲都有9.9成似，

行為就簡直係100%一樣!

太咩喇．．．

之後出去食lunch，

一落個商場，

panda就指住個阿婆話要兜路行，

佢話個阿婆周圍問人攞$，

仲要對住我講左句「阿妹」，

不過我係咩都聽唔度．．．＝ｏ＝

總之就兜左成個圈，

但係為既就係一個阿婆，

好似有d無聊．．．=o=

跟住去左間好恐怖既ok度食公仔麵，

佢個度個d都唔知係咩叉黎架，

同中秋節我同黎食月餅個d叉冇分別既．．．

食都食唔度，

無奈囉．．．

間野係正mtr station下面，又嘈又震．．．

仲要冇啦啦食食下．．．

panda同我講話個冰箱度有隻手，

我就話佢係咪有思覺失調，

點知....

竟然真係有隻手，

驚到我傻左咁蹲係張細枱後面，

太恐怖喇．．．

之後食完就去左圖書館入面既兒童圖書館，

係度係咁拎d英文書，

跟住再求其揾一行黎睇，

當係考下自己d英文...

真係既無聊，

仲定左d好似冇可能會成功既目標，

唉．．．．

希望會成功啦，

唔好比我把臭口講中．．．=o=

之後入番去，

我地溫溫下就講無聊野，

仲冇啦啦講左去屋企既間隔，

仲將要打落diary既內容寫低tim．．．=o=

之後隔離班人，

好過份，

竟然係度開餐，

仲要食埋d我最鐘意食既野>.<

太過份，

咁都得．．．．

我仲同panda講，

我地成人都比人罵，不如我地罵下佢地，好似好好玩，

不過好可惜，

我地咩都冇做到．．．

過左一陣，太約4點幾啦，

我地就走左喇．．．

落到去下面，佢陪我周圍揾車搭，

因為我要去荃灣「會合」我既屋企人，

點之落車之後，

竟然唔識行，

仲要打電話求救．．．

好似好失敗咁．．．

之後阿媽叫我係千色店個度等佢地，

竟然等左成個鐘，

我將個商埸行左三次，隔離個個商埸都行左兩次，

佢地太過份喇，

竟然走左去buy tv，

竟然唔叫埋我，

不過算啦，有電視就得喇，

個部黑白電視，

我都忍得佢耐喇，

星期四就可以同佢say byebye，真係開心~ ^ ^

之後食埋飯就番屋企lor．．．

就係咁樣，

呢一日又完左．．．