2006 年 4 月 12 日  星期三
U.T.
唉......U.T.考左五科...派左四科...科科都好似唔係話好差... 派既個刻覺得比自己預期既好，但係諗下諗下又好似好差，都唔知自己想點...唉... 都係算喇................ 今日真係行衰運行到落腳趾尾，上think skill 個時miss so 話要調位喎， 之前個期次既位我都好唔鍾意，但係而家個個真係幾好架......攪到我唔想調.......但係點知... 調左之後我又冇得同winnie一齊坐，又冇得同楚茹妹坐， 冇得同自己既fd 左都算喇，仲要整個狂風暴雨黎，唉......佢第幾次坐係我附近呀...... 上英文個時仲衰，冇啦啦有隻不明物體入左我地個課室，仲飛左去我個位度， 真係嚇死我，本身已經夠驚嫁啦，仲要比個衰人嚇多一嚇， 真係連個心都跳埋出黎...... 唉......考得差，調位又調得差，又冇啦啦比人嚇一餐，仲要病埋...真係... 我呢幾日都唔知做咩，成日肚痛... 所以味同阿媽一齊睇醫生囉...點知佢竟然話我係腸抽筋喎...... 人黑仔，連病都特別怪...... 算啦，希望過埋個假會好啲啦.......
[ 訪客留言(0) ] [ 編輯日誌 ] [ 分享至FACEBOOK ]

	2006 年 4 月 7 日  星期五
聯校fans club 羽毛球大賽 - .-
Hello everybody!今日我芷巾姐要回憶往事: 係4月7日，案法時間係11:30-5:00，案法地點係由葵涌廣場的屈人寺至葵興地鐵站的43A巴士站。案法的經過係咁既......個日我考完左Eng 之後，就同班friends(楚茹妹、Yuki、MK、姚咩同Niki)一齊落左葵芳，不過其實我一早就約左歐姐姐佢地afternoon去打羽毛球。我地係新都會度無無聊聊咁係度行，不知不覺感就差唔多夠鐘喇......之後我地就上左上面個度食野( 我諗你地知我講緊邊度)，買左我最鍾意既ice-cream(cream + 曲奇)，食下食下就11:30，then 就同左班friends say bye 就同姚咩一齊去左屈人寺揾歐姐喇~ 見度歐姐之後，講下講下，無端端撞度阿鳳，所以就拉埋佢一齊喇~我地周圍行，撞度勁多人:有魏希啦、Cindy啦、洪美啦、等等啦...之後我地就去左吉野家食lunch，我仲將我碟串燒賣左比姚咩(佢話肚餓，我又買多左，味用至抵價6蚊賣比佢囉)。食完lunch，我地就去左林士德，開始我地既聯校fans club 羽毛球大賽，個名係咪好架勢呢，歐姐同洪美一齊諗架~打左n年羽毛球之後，LoLo同阿玲兩隻迷途小「膏」羊終於黎左喇，佢地兩個竟然唔知43A有個站叫做「林士德體育館」，行左成年，唉......真係...... 打完羽毛球，又係我地補充體力的時候喇，我飲左杯野啦，雖然我個幾日生「飛支」，但係我都係忍唔住買左包薯片。(我今日同winnie & 姚咩一齊食左)最後就緊係一齊搭車車，係架車度，我同歐姐將我地下次的活動諗左好多次，但係都係冇咩頭緒，唉.....不過講下講下就講左去我既生日。 好喇，我而家鄭重宣佈，歐碧欣、廖心璐、鄒慧玲、姚匯文，全部都要陪我過我今年既生日，就算冇生日蛋糕，都要有雪芳蛋糕， 睇者有份 ，記住呀! 記住唔準甩我底呀!甩底既話你地知咩後果架啦~
[ 訪客留言(0) ] [ 編輯日誌 ] [ 分享至FACEBOOK ]

« | 6 | 7 | 8 | 9 | 10 | 11 | 12 | 13 | 14 | 15 |