記得你一年前.你第一個SD比我既SMS係點稱呼我嗎(?)
你係叫我:中五的女生 嫁. 雖然之前既SMS DEL哂.
但我都記得. 你係叫我唔好傾咁多電話. 唔係會有腦癌.
上年你講過. 你話頂唔順D人中五唔出街.
所以果時你同左我出去. 今年我中五啦.
我唔會哩埋係屋企溫書溫上腦.
我好想你有時會叫我出去.
因為我好想見你.我想有你支持.
一年前.我地第一次見面.呢次係我第一次同網友出街.
我陪你去左m記.你都係食雞翼餐.
不過你食唔哂.奇蹟.
我地又去左行公園.唔知點解你講起釘耳環(!)
你話你之前同網友出街.都同我一樣.
冇乜講野.但係出多左.就變得健談了.
呢一日.第一次上你屋企.唔知點解我唔怕呢.
我送左隻薑餅仔比你.係呢一年入面.
佢爆左你都會叫爸爸聯返佢嫁.哈哈.
佢係一年入面曬黑左好多.得閒幫佢查太陽油啦.
記得果日係我地第1次錫ha.
臨走果時. 你送左你係韓國買既頸鍊比我.多謝你.
唔經唔覺. 呢條鍊我已經帶左一年.
唔知點解.我試過冇帶住泥訓教.
結果果晚發惡夢.haha.
你仲應成左我生日果日.會同我一齊去海洋公園.
上年既3月30日. 第3日.
你同我講你愛我.你叫我老婆. 其實我真係好開心.
上年既4月5日第9日.
係我第2次上你屋企.你仲記唔記得咩事(?)
果日我地睇江若琳既”嚇死你” 係11點50分.
你入到去.你長期用隻手姐住對眼.哈哈.
原來你咁細膽.自此之後.我地就再冇睇鬼片/恐怖片.
上年既4月15日.第19日.
你SD左個SMS泥. 話我知.
你話有D野要同我講.返到屋企MSN搵你.
我好驚.我以為你要同我講.叫我以後唔好搵你.
於是我諗住周圍去.唔咁早返屋企住.
我搭車返屋企果時.就好似同死亡愈泥愈近啦.哈哈.
當我返到去.搵你.但你講既原來唔係我所諗既.
你話. 你同佢散左. 我叫你唔好喊.
你話你已經冇好似之前咁喊啦.只係眼泛淚光.
我上網見過有人話.如果一個男仔為左女仔喊.
代表佢真係愛過.咁你有冇為我喊過(?)
係因為我冇令到你傷心.
定係我從未感動過你. 我真係好想你為我喊一次.
但係要發自內心.唔係我叫你喊你就喊.
唔通真係要等我地分開果時.你先可以用行動泥表示你愛我.
但果時已經太遲啦.亦都唔想有果一日泥來臨.
上年既4月19日.第23日.
呢日係3號風球同黑雨.
我同左YIP,金毛,恐龍同佢細佬,尾2 1齊打波.
而你去左BBQ.落大雨.你又要上山落山.
上年既4月20日.第24日.
我又去左你屋企了:)
上年既5月3日.第37日.
我同左你出街.
YOU'RE MY LOVER. FOREVER AND EVER.
上年既5月23日.第57日.
我同你去左鑽石山果邊.陪你去勁舞活動.
我同WING傾電話.
你問我係咪豆腐花.證明你緊張我:D thz.
JANICE MAN好靚.
FREEZE淨係識扭PAT.
你仲買左可樂糖比我食;)
上年既5月30日.第64日.
你病左. 痛痛飛走:D 我唔係抄你嫁(!)
上年既6月4日.第69日.
你要考會考口試.但你唔記得左.傻佬-,-
咁岩我今年又係呢日考.我一定會記得去既.
當幫你考埋:D好嗎(?)
上年既6月21日.第86日.
今日去左你屋企.你煮左野比我食(!)
叮(!) 一聲. 食得啦.HAHA.
今日我比左隻介指你<3我地結婚.好嗎(?)
上年既6月28日. 第93日.
3個月啦.因為我遲到.
冇得睇你想睇果套戲:(
結果我地睇左功夫熊貓.
上年既7月2日.第97日.
你去左澳門.聽日先返.好掛住你;)
上年既7月3日.第98日.
你返泥啦.開MSN傾左2句.
你就要出去了.
你叫我打比你.但你電話唔通.
上年既7月14日.第109日.
鬼節(?) 我去左你屋企睇周星馳套回魂夜.
上年既8月2日.第128日.
你今日出左去玩.因為放榜了.
全日都冇見過你ON MSN.
果晚.我發惡夢 你變心 唔要我了:D
上年既8月28日.第154日.
今日唔見你.所以我SD SMS問你:親愛的,您在哪裡?
你回我: 我在你心裹.
上年9月1日.第158日.
呀媽應成左買電話比我.
我部部都唔要.我姐係要你果部:D
那我倆就有情侶電話了.
上年既9月16日.第173日.
你又病左啦.
上年既9月17日.第174日.
今日我地去左睇戲.你記錯了.
星期日先係正日;)
上年既9月21日.第178日.
今日係我生日.係我第一次生日同男朋友過.
係我17年入面過得最開心既生日.
我地約左係金鍾等.但你遲到了:(
呢日好熱.出哂汗.你又頭暈.玩唔到跳樓機.
你好似好辛苦.玩完之後.我係金鍾等巴士返屋企.
呢一日.你冇送我返屋企呀.不過唔緊要.
記得呢一日你要趕返屋企睇家好月圓大結局;D
上年既10月21日.第208日.
你又病左了.
上年既11月22日.第240日.
今日係你生日.但就好平淡的過.
我出泥同你睇左場戲.你就送我返天水圍了.
跟住你搵左你住天逸個FD食晚飯;)
上年既12月24日.第272日.
果日去左打邊爐.仲見埋燒賣佬.
今年既1月24日.第303日.
我同你去左食勁辣米線.
但我果碗係唔辣的:)
今年既2月14日.第324日.
今日係情人節.
今日係我第一次同情人過既情人節.
我地去左食LUNCH.搵位.
睇麥兜同佢班FD溜冰.
睇戲度度都好多人.
結果我地係荃灣睇新娘愛鬥大.
我冇送豬古力比你.
你冇送我返屋企.
你話當打和.
其實當你走既果一刻.MTR一開走.
我就忍住D眼淚.
今年既2月23日.第333日.
今日我地去左睇保持愛你:D
今年既2月28日.第338日.
今日我地去左睇愛情故事;D
今年既3月6日.第345日.
今日我去接你放學.落雨.
我遲左到.但你都係度等我-)
我地之後去左食勁辣米線.見到好多你既同學.
之後去左機鋪. 睇你打機.
我仲同你,燒賣佬. 玩左鋪MARIO賽車.
但係你地太快了L我好似自己同自己玩咁.
一個人都唔見.跟住我就冇玩第二次了.
今年既3月14日.第353日.
今日係白色情人節.我地去左城門水塘.
你遲到左半個鍾:D
見到狗, 見到馬嬲. 但係馬嬲係你同類 所以你唔驚.
D馬嬲真係好惡. 叫聲好似隻牛 係鬥牛果D牛.
你仲扮馬嬲整我. 話我似馬嬲屎忽.
我地行左一半先知原來行錯路. 所以行返轉頭.
本身今日話左影貼紙相嫁.不過最後都冇影.
我知你唔鍾意影相.所以我都唔會逼你;)
夜晚.我地去左打邊爐. 我終於試左雞子啦.
今年既3月24日.第363日.
今日落大雨.你件衫濕到著唔到.
燒賣佬話我知你上堂冇著衫.
你知唔知咁樣好易冷親(?)
我地去左牛頭角下村8-10號.
食豬雜.我咁大個女都未食過;)
之後我地去食芒果西米露.
好凍.好好味.
之後我地行左陣. 你送我返屋企.
今次車程好似比平時短.好快就過了.
今日係我地既一週年.
頸巾我琴日織好了.
可惜冬天已經過左啦.
其實. 你仲記得一年前既我係點嗎(?)
之前我唔化妝嫁.係我未出泥見你之前.
你成日問我識唔識化妝. 於是我開始去改變自己.
一年前 我有透明CON都唔會帶.
因為我覺得帶CON好難嫁.要督隻手指入去.
係你同我講.話我唔帶眼鏡應該幾好.
於是我去習慣帶CON.
之後你話叫我帶COLOUR CON.
我隔左幾日就去買.
係呢一年入面 我為左你改變過 付出過.
但我唔知你知唔知.
原來真正愛一個人. 真係會去改變自己.
之前我唔會上網買野.
後來. 我經常睇下有咩訂. 衫呀褲呀.化妝品等等.
我好想將自己最好果一面比你睇.
一年前.未同你一齊既我.笑面經常.
但同左你一齊之後.雖然我同你一齊我好開心.
但我擔心既亦都不少.我好擔心你比人搶左去.
又或者有一日你唔再愛我.
我只拍過3次拖. 付出感情最多 最愛既 就係你.
其實到左今時今日. 我已經唔可以冇左你.
雖然同你一齊. 我明白到點解D人成日話.
佢地係兩個唔同世界既人. 所以要分開.
你成日打機. 一日入面同我傾計既時間加埋其實有幾多?
但係係我未同你一齊之前 你已經係一個咁既人.
如果唔打機果個就唔係劉啟法了.
所以我唔會要你去唔打機. 逼你陪我:)
同你出街真係好開心. 因為係果一刻
就只有你同我.
