Yeah ！

真係好開心啊！

我同 Gigi ，

曾靖，

同埋 Miss Choi 去沙田行街。

其實 Mr. Wong 都去既，

但係不過學校有 D 事佢要做，

所以就黎唔到。

其實係因為有 D 日本人黎學校，

Mr. Wong 要招呼佢地。

唉……

如果佢都去埋，

敢咪幾好囉！

我地係學校門口等老師既時候，

勁多蚊。

咬到我地隻腳都紅哂。

老師就話帶我地去萬寧買無比敵先，

跟住先去搭火車。

到左沙田之後，

我地首先去食飯。

我地去食日本野。

我覺得今日去食果間日本野都幾貴，

但係不過都幾好食，

好好味啊！！！！

食完之後，

我地就去影貼紙相啦！

果到真係好人啊！

其實係果到影既貼紙相都唔靚既！

好炸啊！！！！

我地影左 2 輯。

第 1 輯既相都無咩公仔。

都係第 2 輯就比較好。

最激氣既就係，

我排好哂 D 貼紙相之後，

就去過膠。

我叫果個人幫我。

其實佢係知道既，

但係佢又唔理我，

掛住汁野。

我果陣時真係好騮！

到左最尾，

我排好哂 D 貼紙相都散鬼哂！

影完之後，

我地就去書局到買野。

書局真係好大。

我幫細佬買激光筆。

我果陣時唔知 D 激光筆係邊，

所以我就問人。

果個人都唔知講 D 咩野！

我問佢：

「我想問下有無激光筆賣架？」

跟住佢答：

「有啊！D 激光筆係果到既樹窗。」

我果陣時真係唔知佢係到講緊 D 咩野！

咩『樹窗』喎！

唉……

我地搵極都搵唔到。

但係最後都搵到。

哇！

果到 D 激光筆，

最貴都要 $558 啊！

真係貴到死啊！

呢枝筆只係有得寫，

咩都無！

敢就禁貴。

話禁快就要走啦！

我地仲有好多地方未去。

我真係有 D 唔捨得啊！

禁快就要走啦！

唯有下次再行過啦！

下次 Mr. Wong 都要黎架！