祝我生日大大大大快樂！

其實，

本身嘉琪同牙詩約埋我去科學館到慶祝生日，

但係不過我要去旅行，

所以無去。

就算唔可以同佢地慶祝，

我都已經好開心架啦？！

我地一家人同埋表妹家人一齊去華僑城到慶祝我生日。

呢一個旅行係 3 日 2 夜既。

我地第一日就去東部華僑城。

呢一日就已經落好大雨啦！

一路擔住把傘，

一路行，

其實真係有 D 麻煩。

導遊話東部華僑城就無咩野玩既，

但係不過我地可以搭纜車，

吊車，

同埋森林小火車。

纜車係點，

我唔係好識點表達出黎。

架纜車行得都幾慢，

所以一 D 都唔刺激。

吊車就同昂坪纜車差唔多。

但係禁晏落雨，

一打開窗， 

D 雨就入哂黎，

如果唔開又好熱。

一程纜車好快就搭完。

而森林小火車係我覺得最悶既一個。

淨係比你睇風景，

咩野都無。

仲要行到好慢，

聽導遊講，

要搭成半粒鐘。

我地一聽，

真係無野好講囉！

我覺得最得意既就係果到有一 Ｄ 真人扮石像。

我地覺得佢地好勁，

所以就比左少少 錢佢。

玩玩下，

無幾耐就天黑啦！

我地就翻翻酒店食自助餐。

真係好味啊！

食到大約 7:55，

我地就一齊上翻房睇北京奧運開幕儀式。

睇到禁上下，

大表妹，

細表妹，

表弟同埋細佬無端端話想去做 gym 。

所以我姨丈就帶左佢地去。

而我就沖完涼先去。

但係我淨係係果到坐左一陣，

就走囉！

佢地做完之後 ，

就同我細佬上翻黎。

大家沖完涼之後，

就繼續睇北京奧運開幕儀式。

我同細佬睇到 11:30 就訓覺啦！

第二日，

我地 11:30 先至上車，

所以我地 7:00 起身。

我同細佬比阿媽阿爸早起身。

我地就同表妹一齊落去食早餐。

食完之後就開始玩啦！

表妹表弟我細佬，

同姨丈就去游水。

本身細表妹去埋游水既，

但係不過佢話佢件泳衣唔晏著，

所以就無游。

我唔想游水係因為游完水之後又要洗頭。

所以最後，

我同細表妹就去做 gym 。

做 gym 真係好辛苦。

好熱，

無開冷氣，

果到又無開風扇，

淨係開左幾個窗。

做左半粒鐘就走啦！

跟住翻翻上去焗桑拿。

呢一次我都係第二次焗。

焗左 4 個字，

就即刻沖涼。

因為好快就要上車架啦？！

沖完個涼，

就叫哂所有人黎一齊玩 pair 牌。

玩左 15 分鐘就走啦！

一上車，

我地就去袁崇煥博物館。

個導賞員講野真係好悶。

但係好彩，

講完一大輪無聊野之後，

都有得睇少林功夫。

最恐佈就係， 

少林寺既人將枝矛整彎左，

仲用頭黎整爛枝綱管。

驚到唔敢睇。

睇完之後，

我地就去「杏福樓」到食龜令膏同杏仁餅。

龜令膏真係好苦，

我中意食杏仁餅，

因為夠甜啊嘛？！

唉……

食完要走啦！

要翻翻去羅湖。

翻屋企……

開心..