係呢個時候..我又要感性一下"

回憶一下

我知道自己失去左爸爸,愛我既人唔多

親戚少..

但我又覺得媽咪同家姐比其他家庭仲要疼愛我..

媽咪同家姐以外..最親莫過於四e,五e,公公婆婆

我每個星期六日都會出去食飯..

會考果排,好少出去

直到會考完,做完暑期工,先可以正正常常咁出番去食飯

公公同我講左一句令我好刻骨銘心既說話

"只要你多d出黎食飯,見到你地開心,我就會開心"

我記得公公係喊住對我講..

唔知點解,我都眼濕濕埋一份..哈..

原來老人家開心既理由就係咁簡單

我咁開朗既性格,會令到身邊既人一樣咁開心

呢幾日..

我一直都係諗緊呢個片段..

就算有時好唔開心,我都要盡力回復

我知道自己最大優點就係開朗

我要好好利用呢個優點,將佢發揮發揮再發揮

尋晚天空有一粒特別閃既星星

聽人講..人死左之後就會變成一粒星星

放心喇!

我會一直支持住媽咪同家姐