本來約左阿翁同娟娟去swim,點知落雨,上網睇睇,有雷暴警告wo,以為會取消
跟住上網check摩士個電話,勁搞笑,我total係打左3次電話
第1次:
我:請問係咪摩士游泳池呀?
接線生:唔係呀,你打錯
我:....唔好意思,再見(樣衰)
第2次:(我心諗..無理由打錯架,打多次,可能禁錯制姐)
我:請問係咪摩士游泳池呀?..(一路笑一路講,因為我認得接線生把聲,我知道自己再次搭錯線)
接線生:..........你又打錯喇.....(偷笑中)
我:...真係唔好意思,bye bye(超級樣衰)
之後我睇真D個網頁..個網原來係香港電影乜乜會 ...竟然係搵錯!唔係打錯!
第三次:(真正搵到摩士個電話)
我:請問係咪摩士游泳池?
接線生:係呀
我:今日有雷暴警告wo,落水會唔會俾雷打架?比唔比落水架?
接線生:唔會,個雷又唔係你頭上面(o哂咀,個接線生係男仔,把聲幾young架)
我:咁如果夜晚黎會唔會有雷架?
接線生:睇下你幾點黎游水喇
我:咁我而家黎游水喇,bye bye
呢一番對話好無聊..我家姐全程係到笑,我收左線,佢爆笑!好無聊呀!
呀..好似曬黑左小小,haha
|
